"BOR, dahan-dahan lang sa pag- inom. Baka maaga pa lang tumba ka na," narinig kong saway ni Jim.
Hindi ko siya pinansin at inisang lagok ang laman ng shot glass na hawak ko. Lima lang kami ngayon na magkakaharap dahil nagpunta ng bayan sina Win at Jus para sunduin si Mitch na galing sa siyudad. Sinulyapan ko si Res na tahimik lang at mukhang malalim ang iniisip. Si Francis nakatingin sa kawalan pero nakangiti. Crazy, sa isip ko.
"Tumagay naman ang iba r'yan at hindi puro pulutan ang pinapapak," parinig ko kay Karl.
"Huwag mo 'kong pinapakialaman. Ako bumili nito," sagot niya.
"Tsk! Bahala ka sa buhay mo. Magka aids ka sana."
Napaubo naman si Jim dahil sa sinabi ko. Sapol. Sinalinan ko ng alak ang baso sa harap niya at mabilis naman niya iyong nilagok.
"Whew! Bor, sa susunod na
