NAPATAKIP ako sa ilong ko nang makapasok ako sa bahay ni Goyong at agad na sumalubong sa akin ang malansang amoy.
Putek! Ang lansa!
Ginala ko ang tingin sa paligid at maayos naman ang bahay pero umaalingasaw ang malansang amoy. Tinungo ko ang maliit na kusina. Napatiimbagang ako nang makita ko ang mesang may mga nakakalat na kutsilyo at iba't ibang laki. Putek. Aswang nga naman. Ano-ano kaya ang mga kinakatay niya gamit ang mga kutsilyong ito?
Napalingon ako sa isang kuwarto kung saan nakarinig ako ng kalabog. Dahan-dahan akong lumapit sa kuwarto na iyon habang nililibot ang tingin sa loob ng bahay. Hindi naman maliit ang bahay ni Goyong pero pakiramdam ko ay sobrang sikip.
Para akong iniipit na hindi ko maintindihan. Nararamdaman ko rin ang mga negatibong enerhiya na nakapaloob sa
