HINDI KO alam kung gaano na katagal akong nakatayo sa gitna ng kalsada at iniikutan ako ni Goyong. Pakiramdamdam ko parang gumagawa siya ng paikot na pader sa akin para hindi ako makaalis sa kinatatayuan ko.
Pakiramdam ko rin ay parang umuulap ang kaiisipan ko at anumang oras ay mawawalan na ako ng malay. Naramdaman ko na ang ganitong pakiramdam no'ng makaharap ko ang malaking aso sa labas ng bahay namin. Walang tigil ang dumadagundong na t***k ng puso ko. Napapikit ako nang mariin nang biglang may nag-flash na namang larawan sa isip ko
Babae.
Babaeng nakaputi sa puno ng narra na nasa unahan ko.
Isang lalaking nakatayo sa gilid ng health center at nakatingin sa akin.
Ngunit 'yong lalaki ay may apat na paa?
Mataman silang nakatitig sa akin. Napakagat ako sa ibabang labi ko habang na
