ILANG MINUTO pa akong naghintag kay Zyl pero wala na yata itong planong bumalik pa. Nang tanungin ko si Res kung ano’ng oras na ay sinabi nitong maghahating-gabi na.
“Res, uwi na ako,” paalam ko kay Res. Hindi ko na kasi mahintay si Zyl at baka pagalitan pa ako ni Lola. Ang paalam ko ay uuwi ako bago mag-alas dose ng gabi.
Bakit ko naman kasi hinihintay si Zyl, eh malamang nag-eenjoy na 'yon ngayon. Isa pa inaantok na rin ako at hindi na ako nalilibang sa kakabalasa ng baraha. Nahihiya lang akong magyaya kanina dahil mukhang walang balak ang mga kasama ko na ihatid ako.
“Hatid na kita,” alok ni Res.
“Huwag na. Kaya ko nang umuwing mag-isa,” pigil ko kay Res. Ayaw ko mang aminin pero nagtatampo talaga ako kay Zyl. Nakakainis talaga siya.
“Hindi puwede. Malayo pa ang bahay n'yo at ha
