“ANO, TARA na?” tanong ni Zyl na hinihintay ako sa labas ng bahay.
Nasa resthouse na rin sina Res at iba pa dahil sabay daw kami pupunta sa burol ni Mimi ngayong gabi. Kanina ay nandoon kami sa bahay ni Kuya Ronel at binisita siya. Tatlong araw lang siyang naka-confine at nang maging clear na ang result niya ay pinauwi nanrin siya. Pinahanap na rin nila Kuya Jom iyong bumaril kay Kuya Ronel para masampahan na ng kaso.
Kinuha ko lang ang bonet ko at nagpaalam na kay Lola at JM para makaalis na kami. Magkasunod kaming naglalakad ni Zyl palabas ng bakuran namin nang biglang sumulpot mula sa kung saan si Goyong sa gilid ko.
Agad namang nagsitayuan sina Res na nasa resthouse at walang ano-ano'y nasa tabi ko na si Zyl.
“O, Yong ba't ka nandito?” tanong ni Res.
“Namamasyal lang.”
Parang tu
