"LOLA!" tawag ko kay Lola nang makapasok ako sa loob ng bahay.
“Oh, bakit?” tanong niya nang sumilip mula sa kusina. Humahangos akong tumakbo palapit sa kinaroroonan niya.
“Ano ba ang nangyari at para kang nakipaghabulan sa mga kabayo?” tanong ni Lola habang nilalagay ang mga maliliit na hiniwang kalabasa sa kawali dahil nagluluto ito ng pinakbet.
“'La, nanaginip po ako noong isang gabi na natanggal ang isang ngipin ko! Tapos may nakita akong lalaki na nakasuot ng jacket na itim tapos nakita kong binaril siya!” pagsusumbong ko kay Lola.
“Ha? Naku, hindi mo dapat sinasabi sa akin iyan! Hala, lumabas ka at kailangan mong kumagat sa katawan ng puno na nandoon sa labas. May kasabihan kasi na kapag nanaginip ka na natanggal ang ngipin mo may mamamatay sa isa sa mga kakilala mo. Ikagat mo
