? تمرد وكبرياء ?

البارت السادس

تاني يوم في ڤيلا عائله عمران نجد الجميع حزين علي فراق الجد سليم واروي وتالين منهارين

تالين ببكاء: اااه ياجدو يعني كده خلااص مش

هنشوفك تاني

ناهد: اهدي بقي يابنتي كفايه كده انتي لسه تعبانه

اروي بدموع: كفايه يا تالين طنط عندها حق انتي لسه تعبانه

فريال: قومي يابنتي خديها واطلعوا فوق خليها ترتاح

اروي: حاضر يا ماما تعالي معايا يا سچي انتي وايه وريتاچ ويقوموا معاها البنات ويطلعوا غرفه تالين

سچي: علي فكره انتي لازم ترتاحي مينفعش اللي بتعمليه دا ادعيله بالرحمه انتي متعرفيش ان كل دمعه بتنزليها علي حد متوفي بتحرقه وبيتعذب بسببها

تالين بصدمه: ايه لا خلاص وتمسح دموعها انا اسفه ياجدو سامحني

اروي: تالين انتي حاسه بحاجه مال وشك اصفر كده ليه وكمان ايدك مالها زرقه ليه كده انتي كويسه اقول لابيه ادهم يكلم الدكتور

تالين بسرعه: ارجوكي لا دكتور لا بلاش دكتور علشان خاطري وتعيط

ايه: هي مالها ليه خايفه من الدكتور كده

اروي: ا.ا.صل تالين ......

سچي بصدمه: طب وليه مش عايزه تعرفي حد من اهلك

ريتاچ: ايوه طبعا حاجه زي دي لازم اهلك يعرفوها

تالين بدموع: بس بس كفايه انتو مش عارفين حاجه انا مقدرش اقول لحد مقدرش ادمرهم مقدرش

اروي: تاخدها في حضنها طيب بس بس ياحبيبتي اهدي كفايه عياط

سچي وتصعب عليها تالين والحاله اللي هي فيها: طيب خلاص اهدي وارتاحي ويدخل ادهم وياسين الغرفه

ادهم: مالك ياحبيبتي تعبانه اتصل بالدكتور

تالين: لا يا ابيه انا كويسه حضرتك انزل العزا خلاص مفيش حاجه

ياسين: مفيش حاجه ازاي انتي مش شايفه وشك اصفر ازاي

تالين: صدقني يا ياسين انا كويسه وهنام شويه وكمان البنات معايا وفجأة يسمعوا صوت عا** بيزعق تحت وصوته عالي ينزل ادهم ومعاه ياسين يخرجوا مكان العزا يلاقوا اسيا واقفه ومعاها قوه ومكلبشين عاصم

ادهم: ايه دا فيه ايه ايه اللي بيحصل هنا

علاء: منعرفش يابني والله

اسيا بجمود: اقولك انا فيه ايه كل الحكايه ان عا** بيه مطلوب القبض عليه لانه مشتبه فيه انه ليه علاقه بقتل سليم عمران

عا** بصوت عالي: قولتلك معرفش حاجه عن الموضوع دا

اسيا ببرود: تؤتؤ انا مقولتش انك تعرف حاجه بس للاسف انت من المشتبه فيهم في القضيه خدوه علي البوكس

عا**: صدقيني هندمك علي اللي عملتيه معايا دا

اسيا: بلاش اقولك لو راجل اعملها وياخدوا العساكر عا** في البو** ويطلعوا بيه علي المديريه

ادهم: ممكن اعرف ازاي عرفتي انه ممكن يكون ليه يد في الموضوع

اسيا بجمود وكبرياء: لا مش ممكن ودي اسرار شغل مش من حق حضرتك تعرفها

ادهم بعصبيه: يعني ايه مليش حق اللي مات دا جدي ولازم اعرف مين اللي قتله

علاء: خلاص يا ادهم يابني دا شغلها بردو وهما عارفين هيتصرفوا ازاي

سالم: خلاص يا ادهم

عمر: تعالي معايا يا ادهم

ياسين: ايوه يا ادهم يلا ندخل جوا دلوقتي ويدخلوا الشباب الڤيلا يلاقوا كارما قاعده بتعيط في حضن اروي

اروي: خلاص يا كارما صدقيني اللي حصل مش هيفرق بينا كفايه عياط بقي

عمر ويحس ان قلبه يتقطع من رؤيه دموع كارما: احم مالها انسه كارما

اروي: من ساعه ما والدها اتقبض عليه وهي بتعيط وبتقول متبعدوش عني انا مليش ذنب

كارما ببكاء اكتر: انا فعلا مليش ذنب والله مليش ذنب

ويدخل عمرو يشوف اخته وهي منهاره يحس بخنقه ويروح يقومها وياخدها في حضنه بس خلاص اهدي هما عارفين انك ملكيش ذنب يلا علشان نروح

اروي بحده: استني عندك كارما مش هتروح معاك كارما هتقعد هنا

عمرو بهدوء: كارما اختي وانا هعرف احافظ عليها يا اروي متخافيش

اروي بكره: اذا كان انا خايفه عليها منك اسمع يا عمرو كارما مش هتمشي من هنا

عمرو وقلبه يوجعه من معامله اروي: طيب يا اروي ادهم لو سمحت عايزك في موضوع مهم

ادهم بجمود: اتفضل معايا ويروح ادهم علي غرفه المكتب ومعاه عمرو

ادهم بحده: اتفضل موضوع ايه

عمرو باحراج: ادهم انا ..........

ادهم بغضب: بقي انت اللي عملت كده فاكر انك هتعرف تضحك عليا

عمرو: اهدي بس يا ادهم وسيبني اكمل كلامي انا.....

في المديريه

تدخل اسيا الحجز اللي فيه الشخص اللي قتل سليم عمران والشخص اللي حاول يقتل ادهم

اسيا بقوه: قوم ياحلو انت وهو وبصوت عالي قولت قوووم انت وهووو

يقوموا الاتنين وعلي وجههم الرعب

احد المساجين: مساكين وقعوا تحت ايد اللي مابترحمش

مسجون2: الله يعينهم انا لما جيت هنا قولت دي بنت هضحك عليها بكلمتين قلبها هيحن وتخرجني بس لقيتها قامت واديتني بو** ولا اجدعها راجل ياجدع

مسجون3: الظابط اسيا ادام جت بنفسها يبقي ناويه تروقهم

اسيا: خلصت كلامك انت وهو

المساجين: اسفين ياحضرت الظابط

اسيا بجمود: هاا هتقول مين اللي قالك تقتل سليم ولا اثبتلك الطريقه اللي هما لسه قايلين عليها وساعتها هتعترف بردو

المجرم بخوف منها: ح.حاضر هقول كل حاجه بس الله يخليكي ارحميني

اسيا: يبقي تخليك شاطر وتسمع الكلام وتكمل بصوت فزع الكل انطق

المجرم: حاضر حاضر انا بعترف ان انا اللي قتلت سليم بيه

اسيا: حلو كمل مين بقي اللي قالك تعمل كده

المجرم: واحد اسمه الباشا بس صدقيني والله ماشوفت شكله هو دايما بيكون حريص ان محدش يشوف وشه وكان بيلبس قناع

اسيا: وانت ياحلو انت التاني ناوي تعترف ولا اتعامل معاك بطريقتي

مجرم 2:لا لا هعترف انا واحد من رجاله الباشا بس عمري ماشوفت شكله لانه مش بيظهر غير قدام واحد بس وهو دراعه اليمين واسمه عا** بيه

اسيا: بيتقابلوا فين

مجرم 2: بره مصر بس والله ماعرف فين

العسكري: حضرت الظابط سياده اللواء عايزك في مكتبه وتروح اسيا مكتب اللواء وتخبط حتي يأذنلها بالدخول

اسيا: حضرتك طلبتني يافندم

اللواء عامر: ايوه اتفضلي اقعدي اولا اهنيكي علي شجاعتك في القضيه دي بس القضيه مش سهله ومرتبطه بقضيه تاني الباشا دا اكبر زعيم مافيا وبيشتغل في كل حاجه سلاح م**رات ضعاره وحاجات تانيه كتير

اسيا: والمطلوب مني

اللواء: انتي هتسافري امريكا بكره وطبعا باسم غير اسمك ولازم تغيري شكلك انتي هتكوني ايلين فتاه ليل مش الظابط اسيا

اسيا بصدمه: لا مستحيل فتاه ليل ايه لا مش ممكن

اللواء: اسمعي للاخر

اسيا: اتفضل

اللواء: انتي هتروحي هناك وكل يوم هتكوني في بار .... وتحاولي تلفتي نظره وهيكون هناك بردو الرائد حسام بيراقبك علشان حمايتك وهيكون زميلك في المهمه

اسيا: بردو مش ممكن مستحيل اللي حضرتك بتقول عليه دا

اللواء: يبقي مفيش قدامك غير انك تروحي بشخصيه ايلين زوجه چوزيف

اسيا بصدمه: ايه زوجه مين

اللواء: زواج مش حقيقي هيكون مكتوب كده في بيانات السفر بس بكره تكوني في المطار 9 صباحا وهتلاقي الرائد حسام مستنيكي هناك

اسيا: وانا هعرف سيادته ازاي وهو مابيظهرش غير قدام حضرتك

اللواء: بكره هتتقابلوا في المطار وهو هيكون متنكر لانه مش هيكشف شكله الحقيقي قدام حد ولا حتي قدامك

اسيا بنفاذ صبر: تمام يافندم عن اذنك وتمشي اسيا

اللواء ويتحدث في الهاتف: اسيا هتكون في المطار الساعه 9 مش هوصيك عليها دي بنتي يا حسام انا قولتلها اقتراح فتاه الليل علشان متأكد انها مش هتوافق عليه وعلشان ميبقاش قدامها حل غير ان هي تسافر بشخصيه ايلين مراتك

حسام: تمام يافندم

اللواء: حسام دي اخر فرصه ليك علشان تثبت برائتك من اللي حصل من 3 سنين

حسام بغضب يحاول يداريه: تمام يافندم مع السلامه

ڤيلا عامر زين

الام: يابنتي حرام عليكي اللي بتعمليه فيا دا مش كل مأموريه توجعي قلبي بلاش يابنتي تروحي

اسيا: ماما دا شغلي ومش هسيبه وبعدين مانا كل مهمه بطلعها برجع منها سليمه وزي الفل وبكون لوحدي وتكمل بسخريه بس متقلقيش سياده اللواء مش سايبني لوحدي وفيه زميل طالع معايا

الام بقله حيله: طيب يابنتي ربنا يرجعك ليا بالسلامه

اسيا: طيب انا هنام تصبحي علي خير

الام: وانتي بخير يابنتي وتنزل الام

كريم: مالك ياست الكل

الام: والله يابني مانا مرتاحه لسفر اختك المره دي

كريم: متخافيش بنتك راجل

سچي: السلام عليكم

كريم /الام: وعليكم السلام

سچي: مالكم فيه ايه

كريم: ابدا موال كل مره

سچي: يبقي اسيا طالعه مهمه

الام: مش مرتاحه يابنتي لسفرها المره دي

سچي: بنتك دي وحش مانتو مشوفتوش اللي انا شوفته دا انا بقيت اخاف منها

كريم: هههههه ليه

سچي: اروي بتقولي امبارح في نص الليل اسيا راحت ومعاها قوه ومكتفه مجرم ورميته تحت رجل ادهم وقالت اللي قتل جدك اهو احنا شايفين شغلنا كويس وكمان كان فيه واحد بيحاول يقتل ادهم جريت وراه وض*بته بالنار في رجله ومسكته والنهارده في العزا قبضت علي عا** الحسيني رجل الاعمال علشان مشتبه فيه في القضيه

الام: يالهوي اختك عملت ازاي كل دا

كريم: ههههههههه امك مستغربه متعرفش ان بنتها عم عبده تكون البطل الخارق

سچي: ههههههههههه بس عارف والله اروي وتالين صعبانين عليا اوي متدمرين خالص

الام: الله يرحمه يابنتي ويجعل مثواه الجنه

سچي: يارب انا هطلع انام علشان هروح لاروي بكره الصبح

كريم: وانا هطلع انام علشان هسافر بكره

الام تسافر فين يابني انت كمان

كريم بتوتر: ع.عندي شغل مهم

الام: طيب يابني ربنا يرجعكم بالسلامه

كريم: يارب ياست الكل انا طالع

سچي: خدني معاك اكيموو

كريم: تعالي يازميلي

تاني يوم تصحي اسيا من نومها وتقوم تاخد شاور وتلبس فستان احمر ضيق يصل لحد ركبتيها وتترك شعرها وتضع بعض لمسات التجميل القليله وتنزل تحت تلاقي والدها ووالداتها واختها يجلسون علي سفره الطعام

سچي بصدمه: مين دي

الام: اه والنبي مين دي

الاب: هههههههههه تعالي افطري يا اسيا قبل ماتمشي علي المطار

سچي بخضه: نهار مش فايت والنبي دي اسيا انتو هتهزروا وتروح اسيا تقعد جنب سچي وتبدأ في تناول الطعام وينزل كريم يقعد جنب سچي من الجهه الاخري ويميل علي اذنها بت مين المزه دي صاحبتك ويتناول الطعام في فمه

سچي: احم اسيا كلي كويس علشان ماتجوعيش في الطياره

كريم يشرق: كح كح اسيا مين يا جماعه بسم الله الرحمن الرحيم فين اسيا دي

اسيا: ايه خلاص بقيت شبه الرجاله اوي كده علشان محدش يعرفني

كريم بصدمه: اه والنبي الصوت هو بس الشكل مش هو

الاب: خلاص ياولاد سيبوها هتمشي امتي يا اسيا

اسيا: دلوقتي

كريم: طيب انا كمان لازم استأذن دلوقتي حالا سلام ويقوم يمشي

اسيا: انا كمان ماشيه وتمشي اسيا وتطلع علي المطار

اسيا: اديني وصلت والاستاذ لسه مجاش اصله كلام عيال هو يستني بس عليا وانا اخليها مهمه سوده علي دماغه

حسام: عيب كده يا حضرت الظابط ثم انا هنا من ساعه حضرتك اللي متأخره دقيقتين

اسيا بخضه: تشوف واحد لابس كاب ونظاره شمسيه وله لحيه كثيفه وملامحه مش باينه علشان تقدر تتعرف عليه انت مين