? تمرد وكبرياء ?

البارت الخامس

وتشوف اسيا واحد ماسك سلاح وواقف ورا ادهم بس بعيد شويه ويوجه السلاح ناحيه ادهم

اسيا: وتغمز لنادر ويفهم نادر قصدها ويبص ناحيه باب الجنينه يشوف واحد ماسك سلاح

نادر: ويض*ب طلقه في الهوا وبصوت عالي اقف عندك ياخد الشخص باله ان نادر شافه ويتصدم ويقع من ايده السلاح ويجري وتجري وراه اسيا

اسيا: وهي بتجري نادر خليك انت هنا مع الكلب دا لحد ماجيب الحيوان اللي هرب دا وتجري اسيا وراه وتلاقيه بيحاول ينط من علي سور الڤيلا تض*به اسيا بالنار في رجله ويقع الشخص في الارض وتروح اسيا عنده وتمسكه من ياقه قميصه

اسيا: قوم اقف يلا

الشخص: ااااه رجلي مش قادر

اسيا بغضب: بقولك قوم اقف والا هتاخد رصاصه في رجلك التانيه وتنادي علي احد العساكر

العسكري: امرك يافندم

اسيا: خد الحيوان دا ع البو** لحد ما اجيب التاني

العسكري: تمام يافندم وترجع اسيا تدخل الڤيلا

نادر: اسيا انتي كويسه

اسيا: انا كويسه يا نادر خد انت الحيوان دا علي البو** وارميهم ف الحجز وخليك وراهم لحد مايعترفوا

نادر: طب وانتي

اسيا: للاسف انا عندي اوامر من سياده اللواء اني افضل مقيمه هنا لحد ما القضيه تخلص

نادر: اسيا انا مش هطمن عليكي وانتي لوحدك

ادهم ويحس بالغيره وميعرفش سببها ايه: اطمن ياحضره الظابط هي مش لوحدها هنا ياسين خد حضره الظابط اسيا ووديها الغرفه اللي جنب غرفه تالين

ياسين: حاضر اتفضلي وتروح اسيا مع ياسين وهي في طريقها للغرفه تسمع صوت عياط جي من غرفه تالين

اسيا: استني فيه صوت حد بيعيط الصوت دا جي منين

ياسين: تالين ويجري علي غرفتها وتروح وراه اسيا ويدخلوا يلاقوا تالين بتعيط في حضن اروي

ياسين: تالين مالك حصلها ايه يا اروي

اروي بدموع: من ساعه مافاقت وهي منهاره ومفيش علي ل**نها غير كلمه كان هيقتلنا والحقنا يا ابيه ادهم هيموتنا

اسيا: مين دا اللي هيقتلهم وهيقتل مين

ياسين: ويحكيلها اللي حصل

اسيا: وتروح تقعد جنب تالين علي السرير لو سمحت ممكن تهدي وتحكيلي اللي حصل بالظبط انا عايزه اسمع منك انتي وكلامك هيساعدنا

ويدخل ادهم ويقول بعصبيه: واظن انتي شايفه حالتها عامله ازاي ولو سمحت ماتتكلميش معاها في اي حاجه دلوقتي

اسيا: اولا انا ماسمحلكش تكلمني بالاسلوب دا ثانيا انا ما غصبتهاش انا بهديها وبطلب منها تحكيلي يعني طلب مش امر

ادهم: تالين طول ماهي بالحاله دي محدش يقرب منها يا حضرت الظابط

اسيا: تبص لادهم بغضب وماتردش عليه وتمشي وتدخل الغرفه اللي جنب غرفه تالين

ادهم: ياسين انا مش قولتلك تقعد هنا لحد ما انا اجي او عمر

ياسين: اسف يا ادهم بس لما سمعت صوت ض*ب نار ماقدرتش وقلقت

ادهم: خليك هنا ماتتحركش وعمر هيقعد تحت مع الحراسه وانا هروح لبابا وعمي علشان نخلص اجرائات الدفن

ياسين: حاضر ويمشي ادهم ويقعد ياسين جنب تالين علي السرير ويبص عليها بحزن اروي هي نامت

اروي: ايوه وعدلتها اروي علي السرير ونيمتها ياسين هي مين البنت اللي كانت هنا دلوقتي

ياسين: دي الرائد اسيا اللي استلمت قضيه قتل جدي

اروي: معقول دي هتقدر تحمينا دي بنت مستحيل تقدر

ياسين: البنت اللي بتقولي عليها مش هتقدر دي هي اللي مسكت اللي قتل جدك ومسكت واحد تاني كان بيحاول يقتل ادهم وض*بته بالنار في رجله

اروي بصدمه: مش معقول

ياسين: لا معقول المهم خلي بالك من تالين لحد مانزل اخلي حد من الخدم يعمل حاجه تاكلها

اروي: ياسين هو انت ليه بقيت مهتم ب تالين الفتره دي اوي كده

ياسين باستفهام: مهتم ازاي يعني

اروي: يعني بقيت احس انك بتخاف عليها بصراحه الاول مكنتش بتطيق تكلمها خالص

ياسين: انتي مجنونه يا اروي مش هطيقها ازاي تالين اختي زيها زيك وواجب عليا اخاف عليها

اروي بحزن علي اختها وبنت عمها ورفيقه دربها: اااه طيب ماشي انزل انت خلي حد يعملها حاجه تاكلها وينزل ياسين وتبص اروي لتالين بدموع متزعليش بكره هيحبك صدقيني انا مش عارفه ليه بيحصل معاكي كده اه لو تسمحيلي اقولهم علي اللي فيكي يا تالين لحد امتي هنفضل نكدب عليهم وعلي نفسنا لحد امتي بس وتخرج اروي من الغرفه وتروح تخبط علي غرفه اسيا وتفتحلها اسيا الباب بغضب

اسيا: بغضب عايز ايه تا... انا اسفه افتكرتك استاذ ادهم اتفضلي وتدخل اروي مع اسيا الغرفه

اروي: لا عادي ولا يهمك ياسين قالي انك مسكتي اللي قتل جدي يعني احنا كده في امان

اسيا بكذب علشان تخفف من خوف اروي: ايوه ياحبيبتي انتو في امان ويرن فون اسيا وتلاقي سچي بترن الو ايوه ياسچي ايوه دي اوامر من بابا يا سچي قوليلها متخافش مش اول مره اطلع شغل لوحدي من غير بابا ونادر طيب طيب ياسچي مع السلامه

اروي: تعرفي انا كمان عندي صديقه اسمها سچي بس بعيد عنك مصيبه خلصت علي شباب الجامعه كلهم بسبب ض*بها فيهم

اسيا بضحك: احب اقولك ان دي سچي اختي الصغيره

اروي: مش معقول انتي اسيا

اسيا: ايوه انا اسيا عامر زين بنت اللواء عامر زين

اروي: شوفي الصدف اهي بترن عليا استني الو

سچي: انتي فين مكلمتنيش النهارده ليه

اروي: وحكيتلها اللي حصل ....

سچي: نهار اسود كل دا حصل البقاء لله ياحبيبتي

اروي: الدوام لله عارفه مين اللي ماسك القضيه اسيا اختك

سچي: مش معقول يعني اسيا عندك دلوقتي

اروي: ايوه والله وقاعده معاها دلوقتي كمان اهي جنبي

سچي: طيب انا هجيب البنات بكره وهجيلك

اروي: لا يا سچي ارجوكي بلاش الفتره دي انا خايفه يحصلكم حاجه

سچي: متخافيش ياحبيبتي المهم هنجيلك بكره يلا سلام وتقفل اروي مع سچي ويسمعوا صريخ تالين بتنادي بأسم اروي تجري عليها اروي ومعاها سچي ويدخلوا يلاقوا تالين نايمه بوضع الجنين وبتقول اروي لا اروي قتلها اروي لا قتلها قتلها

اروي وتجري عليها: حبيبتي انا هنا متخافيش اهدي انا اسفه اني سيبتك اوعدك مش هسيبك تاني اهدي ياتالين ويدخل ياسين ويجري علي تالين وياخدها في حضنه مالها يا اروي فيه ايه

اروي: انا سيبتها دقيقتين وكنت عند اسيا وسمعنا صوتها بتصرح وبتنادي عليا

ياسين بعصبيه: انا مش قولتلك ماتسيبيهاش وخليكي جنبها

عمر: ايه فيه ايه مالها تالين

ياسين: خلاص مفيش حاجه هي نامت تاني انزل انت يا عمر تحت وانا هقعد معاهم

عمر: ويروح يبوس تالين من جبينها ياسين خلي بالك منهم

ياسين: حاضر انزل انت وينزل عمر

ڤيلا عا** الحسيني

عمرو بعصبيه وصوت عالي: بقولك مش انا مش انا

عا**: عمرو فهمني علشان الحق اخرجك من الميبه دي لو الباشا عرف هيقتلك

عمرو: انا ولا خايف منك ولا من الباشا بتاعك لاني معملتش حاجه انا مش قتال قتله يا عا** بيه زي ناس مبيهمهاش تقتل قريب او غريب

عا** بعصبيه: قصدك ايه

عمرو: حاجه ماتخصكش يا عا** بيه ودلوقتي خلينا نروح لبيت سليم عمران ونعرف ايه اللي حصل

كارما: بابا ارجوك خدني معاك لازم اكون جنب اروي وتالين ارجوك يا بابا

عا**: اتفضلي اطلعي غرفتك مفيش خروج

كارما ببكاء: يا بابا ارجوك خدني معاك لاروي وتالين اطمن عليهم لازم اكون جنب تالين يا بابا ارجوك

عا** بحده: قولت اطلعي غرفتك

عمرو: يلا يا كارما تعالي معايا هوصلك بعربيتي

عا**: انا قولت مفيش خروج كارما مش هتروح في حته واتفضلي علي غرفتك

عمرو: وانا بقولك كارما هتروح تشوف صحابها يلا يا كارما وتمشي كارما مع عمرو

عا**: كده الموضوع كبير لازم اخلي عمرو يرجع يتعامل معايا زي الاول والا نهايته هتبقي علي ايدي انا مش مستعد اخسر كل حاجه وهخلص من كل اللي هيقف في طريقي حتي لو انت واختك يا عمرو ويمشي عا** ويروح علي ڤيلا عائله عمران

الباشا: مش معقول الاتنين يتقبض عليهم انا كده هروح في داهيه لازم الاقي حل لازم اخلص منك يا ادهم انت وابوك لازم اخلص منكم انت وابوك عقبه في طريقي وهخلص منكم وقريب اوي

ويجي عليه شخص: مالك فيه ايه

الباشا: هاا لا ابدا مفيش حاجه يلا بينا

ڤيلا عائله عمران

تدخل ناهد والده تالين الغرفه وهي ملهوفه علي بنتها ياحبيبتي يابنتي حصلك ايه مالها

اروي: طنط ناهد رجعتي امتي من السفر

ناهد وهي بتقعد جنب بنتها عمك كلمني وقالي اللي حصل وخدت اول طياره وجيت

اروي: ياطنط ليه كده انتي ملحقتيش تكملي علاجك

ناهد: بدموع علاج ايه يابنتي اللي بتتكلمي عنه انا مصدقتش لما عمك قالي اللي حصل سيبت كل حاجه وجيت علي طول جدك يابنتي يبان شديد بس من جواه حنيه الدنيا دايما يعاملني انا وامك اكننا بناته كان يقولنا انه كان نفسه يكون عنده بنت وانه بيعتربنا بناته جدك يابنتي كان حنين علينا اوي

اروي بدموع: الله يرحمه

ناهد: الله يرحمه هي امك فين لسه مرجعتش من عند خالتك

اروي: لا اصل خالتو تعبانه اوي وماما سافرت ليها ومعرفش عرفت اللي حصل ولا لا

ناهد: طيب يابنتي اومال فين ادهم

اروي: ادهم راح القسم لبابا وعمو علشان يخلصوا اجرائات الدفن

وتبدأ تالين تفوق وتشوف والدتها قاعده قدامها تقوم وتترمي في حضنها وتعيط جدو يا ماما قتلوه مش هنشوف جدو تاني

ناهد: الله يرحمه ياحبيبتي ادعيله بالرحمه

ويدخل ياسين ومعاه الاكل: ينفع كده علي اخر الزمن اشتغل طباخ وكمان سف*جي علشانك ياست تالين

تالين بدموع: انا مش عايزه اكل

ياسين: لا مينفعش الدكتور قال لازم تاكلي

تالين بصدمه وتبص لاروي: دكتور وتبصلها اروي بنظره معناها اتطمني محدش عرف حاجه

ياسين بشك: فيه ايه يا تالين

تالين بارتباك: م.م.مفيش حاجه بس مليش نفس

ياسين: طب علشان خاطري كلي شويه صغيرين حتي

ناهد: اسمعي الكلام يا بنتي علشان خاطري كلي لقمه تسندك

تالين: حاضر ويدخل عمر الغرفه

عمر: ياسين عا** وابنه تحت

ياسين: ويجز علي سنانه وعايزين ايه دول

عمر: جايين يعزونا

ياسين: طيب انا جي معاك يلا ننزل وانتي يا اروي خليها تاكل كل الاكل دا وينزل ياسين ومعاه عمرو

ياسين: اهلا عايزين ايه

عا**: ايه الاسلوب دا يا ياسين مش عيب تكلم واحد قد ابوك بالاسلوب دا

ياسين: لا والله وانت ايش جابك لبابا انت اسمع قول عايز ايه وخلصنا

كارما باحراج ودموع: ه.ه.هو انا ينفع اطمن علي اروي وتالين شويه بس وهمشي تاني

عمر: ويحس بوجع في قلبه من رؤيه دموعها اكيد طبعا يا كارما انتي تيجي في اي وقت دول صحابك اتفضلي اطلعيلهم فوق وتجري كارما وتطلع عند تالين واروي

عمرو: اومال فين ادهم يا عمر

ويجي ادهم من وراه: موجود يا عمرو

عمرو بجديه: البقاء لله يا ادهم

ادهم: الدوام لله خير يا عا** بيه

عا**: البقاء لله

ادهم: الدوام لله بابا وعمي بره بيحضروا للجنازه لو عايزهم مش انت جي علشانهم بردو ولا ايه

عا**: ا.ا.ايوه جي علشانهم انا هروحلهم

وتنزل اسيا من فوق مين حضرتك

عا**: وانتي مين انتي

اسيا: اولا يا استاذ تتكلم معايا عدل زي مابتكلم معاك ثانيا انا الرائد اسيا ومسؤله عن القضيه ومن الاوامر اللي عندي اني لازم اعرف كل كبيره وصغيره هنت في البيت دا

ادهم: دا عا** شريك بابا ودا ابنه عمرو

عمرو باعجاب: معقول دي ظابط هو فيه ظابط بالجمال دا

اسيا: بغضب لم ل**نك ياحلو بدل مايوحشك

عمرو لنفسه: لا وكمان شرسه هو فيه كده

ادهم بحده: عمرو اتقضل معايا انت وياسين نكمل تحضيرات العزا والجنازه لان الدفنه هتكون بكره الصبح

عمرو: سرحان وبيبص علي اسيا

ادهم: بصوت عالي عمرروو يلا تعالي معايا

عمره: حاضر يلا

ادهم: وانت يا عمر خليك مع الظابط اسيا علشان لو عايزه تعرف حاجه

عمر: طيب يا ادهم ويمشي ادهم ومعاه عمرو وياسين ويروح عا** يقف مع علاء وسالم

اسيا: ممكن تقولي كل حاجه عن عا** دا وابنه وكمان بنته اللي فوق مع اروي وتالين

عمر بلهفه: لا كارما ملهاش علاقه بيهم ولا ليها دعوه بيهم هما ف حياتها مش اكتر من ابوها واخوها وهي اكتر الوقت مش معاهم هي بتكون مع اروي وتالين وايام كتير بتبات معاهم هما

اسيا: طيب اتفضل قولي كل حاجه عن عا** وابنه

عمر: ويحكيلها عن عا** وعمرو وطبعا يقولها علي موضوع الملفات اللي وصلها عمرو لمكتب ادهم

اسيا: لازم يتحط مراقبه عليهم كده تمام اوي بس لو هما اكيد فيه حد وراهم ودي بقي مهمتي انا وتقوم اسيا وتكلم حد علي الموبايل

اسيا: ايوه يا نادر اسمع انا .............