Sa ilang linggo na paninirahan ni Scarlett sa Villa ng mga Zimmer ay unti-unting nahahantad ang tunay na ugali nito sa paningin ni Mrs. Zimmer. Magka-ganun pa man ay hindi ito alintana ng ginang dahil iniisip niya na parte lamang ito ng paglilihi ng dalaga. Kaya mahabang pasensya ang ginawa nilang lahat para sa buntis na si Scarlett.
“I told you yesterday na palitan n’yo ang kulay ng mga kurtina, bakit hanggang ngayon ay nandyan pa rin ‘yan?” Mataray na tanong ni Scarlett habang pinandidilatan ng kanyang mga mata ang nahintakutang katulong.
“Pasensya na po ngunit paborito po ni Ma’am Henrietta ang mga kurtinang ito kaya hindi namin pwedeng alisin ng walang pahintulot mula sa kanya.” Nag-init ang ulo ni Scarlett dahil sa naging sagot ng katulong na si Suseth. Nani-ningkit ang mga mata na
