روايه حب ضد الظروف البارت الاول اخيرااا هتجوزه بعد كل التعب والوجع والألم ال عشناه اخيرااا احمد بقا ليا يااااه عشر سنين بتوجع في

نهى . مبروك يا مى يا حبيبتي اخيرا هنفرح بيكى مى . اها يا نهى بعد حب السنين ده كله اخيرا هنتجوز عقبالك يا قلبي نهى . يارب يا مى انا هقرصك فى رجلك عشان احصلك في جمعتك مى . هه هه اقرصى يا حبيبتى اقرصى الباب خبط . . نهى فتحت قالت له غمض عنيك يا عمر عمر غمض عينه و دخل نهى قالت له فتح عنيك فتح قال ايه القمر ده اخيرا بقيتى بتاعتى مى ضحكت ب كسوف . خدها و نزولوا تحت القاعه كل الناس مبسوطه و ب يباركوا ليهم الا حمات مى . حمات مى ل بنتها . اخوكى هيتجوز و يسبنى و هيبعد عن حضنى ليلى . دى سنة الحياة يا ماما و هو يعنى رايح بعيد ده هيسكن فى الشقه ال فوقك حمات مى . بس هيسيب حضنى و يروح ل حضن واحده تانيه ليلى . دى مراته يا ماما الله يكون فى عونها مى هتعانى معاكى و الله حمات مى . ليه يعنى هى كانت تتطول تتجوز ابنى ده انا ابنى قمر و هى متشافش اصلا ليلى . حرام عليكى يا ماما و الله البنت زى القمر و عمر ب يحبها ربنا يسعدهم عمر شاور لوالدته تطلع ترقص معاهم طلعت ع المسرح خدت ابنها ب الحضن و تجاهلت مى و فضلت ترقص هى و ابنها عمر خد باله ان مى زعلت بس قال ل نفسه هبقا اراضيها ب كلمتين لما نروح المهم امى دلوقتى .. الفرح خلص . عمىر . ما تزعليش مني يا مي حقك علي انا عارف ان انتى زعلانه من ماما بس ماما طيبه و الله يا مي و هتحبك قالت له لا عادي انا مش زعلانه . تانى يوم الصبح . الباب بيخبط جامد مى قامت من النوم مفزوعه من النوم عمر قال لها ما تقلقيش هتلاقيها ماما قالت له و مامتك ايه ال جايبها الصبح بدري كده قال لها عادي يعني طالعه تشوفنا قالت له طيب قوم افتح لها قل ما تكسر الباب عمر قام فتح الباب ل والدته قالت له كل ده سيبيني واقفه على الباب ما حدش بيقوم يفتح لي قال لها معلش يا ماما كنا نائمين قالت له و انت اللي قايم تفتح الباب و الست المحروسه مراتك ما تقومش هي تفتح الباب ليه قال لها عادي يعني يا ماما ما فيش فرق قالت له لاء في فرق انت هنا راجل البيت يعني سي السيد فاهم يا عمر انت تؤمر و هي تنفذ قال لها حاضر يا ماما . بتعلي صوتها عشان تسمع مي و مي فعلا سمعت هي قالت ايه بس مي قالت ل نفسها مش هخليها تحرق دمي و هاقوم اعمل نفسي ما سمعتش حاجه و قامت خرجت لها و سلمت عليها و قالت لها ازيك يا طنط منوره تحبي اعملك فطار معانا قالت لها لاء شكرا و قالت ل عمر حصلنى على تحت و سابتها و نزلت ..... مى . انت رايح فين انت هتنزل و تسبنى قال لها انا لازم اشوف ماما عايزه ايه و طالع ثاني قالت له ماشي انزل نزل قعد مع والدته والدته عماله تحكي في مواضيع قديمه و حكايات حصلت و لسه هتحصل قال لها ماما انا هطلع ل مراتي قالت له لا اقعد معايا هنا ما انتاش طالع غاب حوالي ست ساعات تحت مي اتصلت عليه و قالت له في حاجه تحت يا عمر قال لها لا ابدا ماما عايزاني بس اقعد معها قالت له طب و انا قال لها ماشي هاجي اهو قفل معها و قالت له هي الست هانم عايزاك تطلع تقعد معها قال لها و فيها ايه يعني يا ماما دي لسه عروسه ده لسه كان فرحها امبارح قالت له لما ابقى انام ابقى اطلع لها قال لها حاضر يا ماما . الساعه بقت 12 بالليل النوم غلب والدته فتح الباب وطلع لامراته دخل يصلحها قالت له ابعد عني يا عمر هو انت متجوزني عشان تقعد مع امك انا مش هقبل ب كده في عروسه عريسها يسيبها يوم صباحيتها الصبح و ينزل يقعد مع امه قال لها ما تزعليش بقى حقك عليا قالت له ما ازعلش ايه ما كنت تعرفني من الاول انك بتاع امك قال لها بتاع امي يعني ايه بتاع امى ما تحترمي نفسك قالت له انا محترمه غصب عنك قام شدها من شعرها وقعها على الارض ضربها ب رجله في وجهها فضلت تصرخ و تقول له ابعد عني يا حيوان والدته سمعت الصريخ طلعت خبطت عمر فتح لها قالت له في ايه قال لها ما فيش حاجه يا ماما دلوقت ممكن تنزلي شافت مى واقعه على الارض و شكلها مضروب بصات لابنها و طبطبت على صدره و نزلت . عمر . قومى يا مى انا اسف معلش انا اتعصبت عليكى انا اسف يا مى مى ب عييط . انا عايزه ادخل انام عمر . طب ما تزعليش الاول مى . ماشي بس سبنى ادخل انام ...... مامي دخلت اوضتها وعماله تفكر مع نفسها و تقول انا دلوقت لو مشيت و رحت ل اهلي ده هتبقى فضيحه و ساعتها هو و امه ممكن يتبلى عليا و يقولوا ان انا معيوبه اعمل ايه دلوقت يا ربي انا مش قادره اكمل معاه انا كرهته ل لاسف مش هاعرف امشى و اسيب البيت يا رب فضلت تفكر لحد ما غلبها النوم ..... عند ندى و على .... ندى يتيمه الام و الأب و معندهاش اخوات عمتها هى ال ربيتها و جوزتها . ندى اتجوزت جواز صالونات متجوزه من تلت سنين جوزها مدمن مخدرات .... ندى . حرام عليك بقا بطل القرف ال بتشربه ده بقا قال لها و انتى مالك عايزه ايه يعني ما تسيبيني اعمل دماغ قالت له طب ما تشربش في البيت الروائح دي غلط على بنتك حرام عليك بقى ارحمنا انا لو عندي مكان غير ده كنت رحتوا قال لها هتسكتي و لا اقوم لك قالت له لا خليك هو انا كل يوم اتهان و اضرب قدام بنتي و اخذت بنتها ودخلت اوضتها و قفلت الباب عليهم . .ندى اتصلت ع عمتها ندى . ازيك يا عمتو عامله ايه قالت لها الحمد لله انت اخبارك ايه يا ندى قالت لها انا مش كويسه خالص يا عمتو انا جوزي كل يوم يا ب يرجع البيت مسطول يا قاعد في قلب البيت ب يشرب انا تعبانه قوي يا عمتو انا بفكر انتحر و ارتاح من اللي انا فيه قالت لها عايزه تموتي كافره يا ندى طب و بنتك هتسبيها ل مين هتسيبيها للحشاش ده يربيها قالت لها انا تعبت يا عمتو انا ما بسمعش غير كلمه اوعى تخربي بيتك يا ندى يا ندى هو احسن من غيره انا بجد تعبت انا باخاف منه انا حتى باخاف منه على بنتي قالت لها ادعي له بالهدايه يا ندى قالت لها بدعي له كثير و الله يا عمتو بس انا من جوايا فعلا ما عدتش قادره استحمل ..... عند نهى صاحبت مى ... نهى اتصلت تطمن ع مى . نهي ردت عليها قالت لها اخبار عروستنا الجميله ايه مي قالت لها بلا عروسه بلا زفت تعالى شوفى العروسه عامله ازاي قالت لها ليه في ايه خير حصل ايه مي . انا بعيش اسود ايام حياتي يا نهى يا ريتني ما اتجوزت نهى . طب ممكن تهدي و تحكي لي في ايه مي . مش قادره و الله احكي حاجه دلوقت انا بس عايزه انام نهى . طب ممكن تطمنيني عليك مي . انا كويسه الحمد لله ادعى ربنا ان انا انام ما صحاش ثاني قالت لها لاء بعد الشر عنك اوعي تقولي كده ثاني . عمر دخل يصالحها و يراضيها قال لها حقك عليا انا مش عارف عملت كده ازاى سامحينى مى . انا خوفت منك اوى يا عمر حسيتك حد انا معرفوش عمر باس ايديها و راسها و قال لها ارجوكى سامحينى انا اسف مش هعمل كده تانى حقك عليا مى ب عييط . انا اتوجعت اوى منك عمر . حقك عليا قولى انك مسمحانى مى . هسامحك بس اوعدنى ان دى خر مره تمد ايدك عليا فيها . عمر . اوعدك يا حبيبتى مى . انا جعانه اوى مكلتش حاجا النهارده خالص قال لها يا حبيبتى خليكى مرتاحه و انا هقوم اجهز لك العشا عمر فى ٱلمطبخ ب يجهز العشاء جهز الاكل حطه ع الصنيه و دخل الاوضه ل مى و قاعدين ب ياكلوا و يضحكوا و يهزروا مع بعض و اذ فجأه باب الشقه يتفتح عليهم و تدخل اوضه النوم عليهم مى . ايه ده انتى جيتى هنا ازاى قالت لها دخلت ب المفتاح مى بصت ل عمر و قالت له هو انت ناسي المفتاح بره حماتها ردت و قالت لا يا حبيبتي انا معايا مفتاح شقه ابني ادخلها في الوقت اللي انا عايزاه مي قالت لها ازاي يعني معاكى مفتاح الشقه و حتى لو معاكى مفتاح الشقه ينفع انك تدخلى كده علينا قالت لها هو انتى هتعرفيني ادخل بيت ابني امتى و ما دخلوش قالت لها مش قصدي يا طنط بس من الذوق انك تستأذنى قبل ما تدخلي البيت مي بصت ل عمر و قالت له ما تقول حاجه يا عمر عمر ساكت ما بيردش . حماتها قالت لها هو انتى عايزاه يعمل ايه يعني في امه يقوم يضربني و لا يطردني من البيت نفسك انتى في كده صح جايه تخربي بيني و بين ابني مى قالت لها انا مش عايزه أخرب بينك ولا بين ابنك انا عايزه اعيش حياه مستقره طبيعيه انت ليه بتعملي فينا كده انتى ليه مصممه تعكننى علينا قالت لها انا مصممه اعكنن عليكم ليه يعني ما ترد يا عمر على مراتك و شوفها ب تقول ل امك ايه انت واقف تتفرج عليها و هي ب تهزقني مي قالت له يلا يا عمر اسمع كلام مامتك و شوف هتتصرف معايا بقى ازاي عمر سابهم و خرج من الاوضه و راح الاوضه الثانيه حماتها قالت لها انا نازله عشان تتبسطى مى انهارت من العييط و قالت يارب هو انا كل ما اتبسط تطلع الست دى تعكنن عليا انا تعبت يارب عمر راح لها من الاوضه الثانيه قال لها ما تزعليش يا مي صرخت في وشه و قالت له ابعد عني بقى هو انت كل شويه تعمل فيا حاجه انت و امك و تيجي تقول لي ما تزعليش يا مي انا تعبت بجد ده انا لسه بقى لي يوم واحد متجوزه بتعملوا فيا كل ده انا بجد تعبت طلقني انت ازاي اصلا تسمح لها انها تدخل بيتي من غير اذن قال لها دي امي يا مي قالت له يعني ايه امك مش المفروض تستاذن ازاي تدخل عليا في اوضه نومي هو انتو ما تعرفوش اي حاجه عن الدين ولا الاخلاق قال لها لو سمحت يا مي ما تغلطيش اكثر من كده عشان انا كمان مغلطتش قالت له تغلط بقى و لا تتنيل هو انا ايه اللى غصبنى على عيشه زي دي اصلا انا بجد قرفت قال لها انا هاقدر الموقف اللي انتى فيه و مش هارد عليكى و ادخل انام في الاوضه الثانيه صرخت فيه و قالت له غوووور من وشى سابها و راح نام فى الاوضه التانيه .. بعدت صنيه الاكل عنها و فضلت تعيط لحد ماغلبها النوم و نامت ..... عند ندى و على .. على . ندى انا محتاج فلوس قالت له و انا اجيب لك منين و انت اصلا محتاج فلوس ليه قال لها محتاج فلوس يا ندى و خلاص قالت له انا مش معايا قال لها مش انتى يا ندى ب تشتغلي و المفروض يكون معاكى فلوس قالت له انا ب شتغل عشان اعوض تاثيرك في حقي و حق بنتك و حق بيتك قال لها بعدين نبقى نتكلم ممكن تجيبي لي فلوس قالت له انت عايز فلوس تعمل بها ايه قال لها محتاج فلوس يا ندى قالت له وا نا مش معايا قال لها هتجيبي فلوس يعني هتجيبي فلوس قالت له مش هاجيب قام جاب شنطتها و فتحها و وقع كل اللي فيها على الارض وقع منها فلوس اخذها صرخت فيه و قالت له سيب الفلوس الفلوس دي انا باكل بها بنتك الفلوس دي لو بنتك احتاجت حاجه انا بجيبها لها حرام عليك انا مش عايزه منك حاجه بس سيبني في حالي حاولت انها تاخذ منه الفلوس زقها وقعت في الارض و اخذ الفلوس و نزل مشى فضلت تحسبن ربنا فيه و تقول يا رب حسبي الله و نعم الوكيل و كلتك تجيبلي حقي و الله انا تعبت و الله تعبت بنزل من صباحيه ربنا لحد بعد المغرب اشتغل فى البيوت و اتعب عشان خاطر بنتي و في الاخر ده كمان بيجي ياخذ فلوس يشرب بيها مخدرات يارب خده و ريحنى منه انا من غيره هكون احسن يارب خده عمتها اتصلت بها قالت لها ازيك يا ندى قالت لها الحمد لله يا عمتو قالت لها صوتك مالو يا حبيبتي ندى حكت لها اللي حصل عمتها قالت لها معلش اصبري ما ينفعش تطلقي يا بنتي انتى لو اتطلقتى الناس مش هترحمك الناس مش هتسيبك هتفضل تتكلم عليكى في الرايحه و الجايه و لا هتعرفي تنزلي من البيت و لا هتعرفي تشتغلي و هو يا بنتى احسن من غيره و ضل رجل و لا ضل حيطه معلش يا بنتي عشان خاطر بنتك انا مش كل مره هافضل اقول لك الكلام ده المفروض تكوني عرفتيه ندى قالت لها خلاص يا عمتو انا حفظته و عرفته خلاص انا تعبت انا و الله لولا بنتي كنت موت نفسي و ارتحت قالت لها انتى احسن من غيرك يا ندى في ستات كثير اجوزها ب يصبحوهم و يمسوهم ب علقه قالت لها هو انت يا عمتو مش ب تبصى الا لل الوحشين بس ما فى كثير متجوزين و مرتاحين قالت لها مين ده اللي متجوز و مرتاح يا حبيبتي الناس كلها عندها مشاكل ما فيش احد مرتاح ندى قالت لها ماشي يا عمتو انا هاقفل مش عايزه حاجه قالت لها انتى زعلتى مني انا ب نصحك و ب اعرفك انت لو اتطلقتى مش هتلاقي مكان تروحيه ثاني انتى عارفه جوزي بصباص و عينه زايغه ده انا ما صدقت ان انتى مشيتى من تحت يده انتى شفتى كان بيبص لك ازاي في الرايحه و الجايه قالت لها انا لو طلقت يا عمتو مش هاجي عندك ما تخافيش ما تقلقيش قالت لها انا ب عرفك بس يا ندى عشان تبقى عامله حسابك قالت لها خلاص يا عمتو مع السلامه .... ندى قفلت معها و فضلت تتحسر على حالها و حضنت بنتها ال عندها سنتين و فضلت تعيط ع حالها و ان لو كان ابوها و امها عايشين مكنش ده بقا حالها .... عمر راح يصالح مى .. مى صرخت فيه و قالت له ابعد عني خرج و سابها والدتها اتصلت عليها مي حكتلها اللي حصل والدتها قالت لها و ازاي ده يعني يحصل انا و الله ما هاسكت انا جايه ليه هو و امه مي قالت لها انا عايزه اجي لك انا يا ماما قالت لها و انتى عايزه تفضحينا يا مى هتروحي لي البيت بعد يومين جواز انت عايزه الناس تقول علينا ايه ما تعقلى كده يا مي ما كل البيوت يا بنتي فيها مشاكل قالت لها انتى غيرتى كلامك ب سرعه كده ليه يا ماما انت مش كنت معايا دلوقت و في صافي قالت لها انا هاجي له البيت و مش هاسكت له هو و امه لكن انك تجي البيت عندي ده اللي ما ينفعش و مش هاسمح بيه و لا والدك هيسمح بيه انتى خلاص اتجوزتى و ده نصيبك و بكره الوليه دي هتموت مش هتفضل عايشه لك يعني او هتاخدوا على بعض و هتحبك و هتحبيها مى قالت لها خلاص يا ماما ما تجيش طالما مجيتك زى قلتها ما تجيش يا ماما خلاص قالت لها انتى زعلت مني يا مي انا يا حبيبتي ب نصحك و خايفه عليكى قالت لها ماشي يا ماما و انا قبلت النصيحه و فهمت خلاص ما تجيش ... .... عند ندى و على ... علي اخذ الفلوس شرب بها مخدرات مع اصحابه شله السوء و روح البيت مسطول ندى اول ما شافته فضلت تتحسر على حالها و تقول هو ده هيكون ازاي اب ل بنتي و راحت صرخه ف وجه و قالت له فوء يا علي فوء كفايه كده بقى بنتك بتكبر انا مش عايزه بنتك تشوفك و انت كده انا نفسي انك تتغير و تبقى كويس يا علي انت ما بتشوفش نفسك و انت مسطول بتبقى عامل ازاي يا على فوق حرام عليك بنتنا هو انا مش صعبانه عليك ده انا يتيمه يا علي و هو اصلا مسطول و باصص لها و مش فايق قالت له انا عارفه انك اصلا لا سامعني و لا عارف انا با قول ايه بس انا فعلا انا يتيمه و محتاجاك انا ما ليش احد غيرك اصلا يا علي عشان تعمل فيا كده يعني الفلوس اللي انت اخذتها منى تشرب بها مخدرات دي انا با شتغل بها في البيوت انا بمسح حمامات الناس و بغسل اطباقهم انا بتعب و بذل ب الفلوس دي فعلا يا علي انا مش ب جيب الفلوس ب الساهل انا بمسح سلالم انا ب عمل للناس طلباتها و بقضي لهم مشاويرها انا بتزل عشان اعرف اجيب القرش يا على ... عند حور ... حور محاميه فتاه جميله جدااا بنت عائله متوسطه الحال .. والده حور . العريس كويس و الله يا حور و شغال محاسب حور . مش حساه خالص يا ماما والده حور . يا بنتي هتفضلي ترفضي عرسان لحد امتى انتى كبرتى و بقى عندك 26 سنه قالت لها هو انا كده كبرت كل ال ب يتقدموا مش برتاح لهم والده حور . ابوكى المره دى حالف لو رفضتى العريس مش هيحصلك طيب حور . انا مش عيزاه هتغصبونى يعني ع الزواج والده حور . طب هو جاى النهارده بعد المغرب اقعدى معاه و يمكن ترتاحى له قالت لها يا ماما هو الزواج ب العافيه يعنى . والده حور . هو انتى يا بنتى بتحبى حد و وعدك ب الجواز لو فى حاجا زى كده قولى لى صارحينى انا امك حور . يا ماما و الله ما في حد فى حياتى انا مبسوطه كده و انا سينجل والده حور . ب قولك ايه يا بنت انتى انا مش بحب مياصت البنات دى انا معلمتكيش و صرفت عليكى عشان في الاخر تقعدى جمبى من غير جواز حور . انتى عايزه ايه دلوقتى يا ماما قالت لها عيزاكى تقابلى العريس حور . ماشي يا ماما خلاص في حاجه تانيه .... العريس وصل .. والده حور . هو انت لسا مجهزتيش عريسك بره مستنيكى حور . هو الاستاذ شرف ماشي خارجه له اهو مكنتش رجله تكسر و ميعرفش يجى والده حور . عيب يا حور و يالا البسي و اخرجى حور . ماشي يا ماما ... حور لبست و خرجت ... اول ما دخلت و بصت له قالت فى سرها هو ماشاء الله جميل بس انا نفسيا مش مرتاحه له والدتها خرجت و سابتهم يتعرفوا ع بعض قال لها انا ادم محاسب فى بنك حور . اهلا ب حضرتك ادم . مش هتعرفينى على نفسك حور . و هو انت جاى تخطب واحده و انت متعرفهاش ادم . امم انا اسف لو انا مضايقك ممكن اقوم امشي حور مردتش عليه قال لها ممكن اعرف رايك فيا قالت له هقوله ل بابا قال لها تمام و استأذن و مشي ... نكمل ان شاء الله البارت الجاي ...