Mina
NAKAUPO siya sa kama habang tinatanggal ng personal nurse niya ang IV niya. Kakatapos lang din nitong linisan ang sugat niya sa ulo na hindi niya alam kung saan niya nakuha.
Ang sabi ni Trixie - ang Filipina nurse niya - naaksidente raw siya. Nasagasaan siya ng isang kotse sa Tverskaya. Hindi niya rin alam kung saan ang lugar na yon. Marami siyang hindi naaalala simula nang magising siya. Ilang buwan daw siyang na-comatose at suwerte na raw na nabuhay pa siya.
"Okay na, Miss Agatha," masiglang ani Trixie at iniligpit ang mga pinaggamitan nito.
"Trixie..."
"Hmmm?"
"Bakit hindi ako dinadalaw ng asawa ko?"
Kahit minsan kasi hindi pa niya nakikita ang 'asawa' niya. Maliban sa Adrian Pierce na pangalan nito ay wala na siyang ibang alam tungkol dito.
"Ang alam ko may inaasikaso
