Mina
LIHIM niyang pinagmamasdan si Adrian habang nakikipag-usap sa cellphone nito palakad-lakad sa harap ng bintana.
Ibang lengguwahe ang ginagit nito at hindi niya maintindihan.
Panaka-nakang nahuhuli niya itong tumitingin sa kanya at ngingitian siya. Napapayuko naman siya kasabay nang pag-iinit ng mga pisngi.
Napatingin siya sa repleksyon niya sa malaking flat screen tv na nasa harapan ng kama kung saan siya nakaupo.
May bendang nakapalibot sa ulo niya. Humpak ang pisngi niya at namumutla ang balat niya. Hinawakan niya ang mga labi. May mga bitak iyon at namamalat pa.
Nakakatakot ang itsura niya. Paano kaya siya nagustuhan ni Adrian?
Napaka-guwapo nito, mayaman, ubod daw ng yaman ayon kay Trixie. Hindi niya alam kung anong eksaktong negosyo nito pero masasabi niyang hindi ba
