Mina's POV
NAKATALIKOD sa kanya si Adrian habang abala ito sa pagluluto. Pasulyap-sulyap ito sa kanya at pangiti-ngiti. Kanina pa ito masayang-masaya.
Masaya rin siya. Lalo na kapag naalala niya ang mga namagitan sa kanilang mag-asawa. Kung paano siya nito halikan, yakapin at angkinin. Nag-init ang mga pisngi niya dahil sa mga naiisip. Muli siyang napatingin kay Adrian. Sumisipol-sipol pa ito. Napangiti siya. Ngayon niya lang kasi ito nakitang ganoon kasaya.
"Malapit na to!" imporma nito sa kanya at muling hinarap ang niluluto.
Natigilan siya dahil parang pamilyar sa kanya ang ganoong tagpo. Napapikit naman siya ng biglang may sumigid na kirot sa sentido niya.
"Malapit na to!" ani ng isang lalaki. Nasa early 50''s na ito. Matangkad at matikas ang tindig. Nakasuot ito ng pulang apr
