Kenobi's POV
PAGOD siya dahil sa mga pinaasikaso sa kanya ni D'mitri. Ngayong nandito siya sa Moscow siya ang laging naa-asign sa mga mission na kailangan nito.
Pinipilit niya pa ring makauwi sa Black mansion gabi-gabi hindi niya kasi kayang matulog ng hindi nakakatabi si Mina.
Nasanay na siya na kayakap ito sa gabi. Kaya kahit sobra ang pagod niya nawawala kapag nakakauwi na siya.
Dumaan siya sa isang flower shop at bumuli ng tulips. Paborito ni Mina ang tulips. Halos dalawang linggo niya na itong hindi naipagluluto. Nakokonsensiya pero hindi niya naman puwedeng tanggihan ang mga trabahong ibinibigay sa kanya ni D'Mitri. Malaki ang utang na loob niya dito.
"Dobryy vecher," bati ng butler ng pagbuksan siya ng pintuan. Tipid na tinanguan niya lang ito. Tumakbo na siya sa hagda paa
