Kabanata 21
"Clear"
Hinatid nga ako ni Sir Zederick after nang shift ko nang gabing iyon, hanggang sa halos araw-araw na. And one morning, he appeared outside my boarding house. Rest day ko iyon. He texted me earlier kung may gagawin ako, sinabi kong wala. After a while, dumating na agad siya.
Hindi ako mapakali dahil katatapos ko lang maglaba. Kung hindi ako mapakali mas hindi naman mapakali si Krisaya. Kung anu-ano na lang ang gusto niyang ipasuot sa akin. Paikot-ikot kami sa maliit na espasyo ng kuwarto. Naghihintay na si Sir Zederick sa akin tapos ito kami nagtatalo pa dahil gusto niyang lagyan ng lipstick ang labi ko. Wala rin naman siyang nagawa dahil ayoko talaga.
Puting tee shirt at asul na jeans lang ang suot ko. Mabuti na lang okay pa itong isang flats ko. Sira na kasi iyong
