“See you later, guys.”
Kumaway si Damon sa amin nang makababa na s’ya sa sasakyan nila pagkatapos namin s’yang ihatid sa bahay nila pagkatapos ng ilang oras na practice sa studio. Ngumiti lang din kami bago sinara ang pinto ng sasakyan pabalik sa bahay nila Gelo.
Tahimik ang dalawa sa byahe kaya nanahimik na lang din ako. Malamang ay pagod sila sa practice kaya hinayaan ko na silang mamahinga sa byahe. Bumuntonghininga ako at agad na pumasok sa isip ang sinabi ni Gelo. Pagkatapos ng tawag n’ya kanina ay halos hindi ako nakapagfocus sa panonood sa practice nila. Ang buong isip ko ay nasa kanya at iniisip ko na kaagad ang mga sasabihin ko sa kanya mamaya. Iniisip ko kung paano ko ibibigay ang regalo ko at iniisip ko rin kung magugustuhan kaya n’ya ‘yon.
Dahil sa sunod-sunod na pag-iisip a
