Mariing napapikit ako nang tuluyang marinig ko ang pagsara ng pinto ng kwarto namin. Kabadong-kabado ako dahil sa ginawa kong pasimpleng pang-aakit kay Gelo para lang bilisan n’yang bumalik at ‘wag ng pagalitan si Damon.
Kagat-kagat ang kuko sa hintuturo ay lumapit ako sa kama at umupo doon. Nag-iinit ang pisngi ko kapag naaalala ko ang itsura ni Gelo kaninang ikinawit ko ang mga braso sa leeg n’ya. Agad na napapaypay ako sa mukha gamit ang mga daliri dahil sa kabang nararamdaman. Hindi pa naman ako lasing ngayon kaya paniguradong gising na gising ang diwa ko at hindi agad makakatulog bago s’ya dumating!
“Magpanggap kaya akong natutulog?” bulong ko at agad na humiga sa kama at inayos ang sarili pero agad na naisip ko ang sinabi ko kay Gelo na maghihintay ako sa kanya. Inis na napabangon
