MONIQUE
Palakad-lakad ako sa loob ng kwartong iyon ng isang private hospital. Hindi ako halos mapakali kanina. Nag-aalala pa rin kasi ako dahil sa nangyare sa lalaki kanina sa restaurant. Nakahiga na ito sa hospital bed at mahimbing na natutulog. Bigla na lamang kasi itong natumba at nawalan ng malay habang kumakain.
Okay na raw ito sabi ng doktor na sumuri dito. Naka-usap ko iyon bago ito umalis kanina. Ayon dito ay may nakain itong bawal kaya nangati ito at nagkaroon ng mga pula-pula na parang mga pantal sa mukha at sa buong katawan. Nahirapan din itong huminga dahilan para mawalan ito ng malay. 'Yon pala ay nagkaroon ito ng allergy attack. May allergy pala ito sa hipon kaya gano'n ang naging epekto sa lalaki. Pinaghalo kasing pork at shrimp ang dumplings namin. Napag-alaman ko ding p
