KANINA pa hinahanap ni Erica sa social media ang pangalan ni Casimiro, pero walang lumalabas. Mas nakakainis dahil hindi niya alam ang buong pangalan nito. Paulit-ulit siyang nag-type, nag-delete, nag-try ng iba’t ibang spelling pero pareho pa rin ang resulta.
Nothing.
Napabuntong-hininga siya, inis na inis na sa sarili. Alam naman niyang sayang lang ang oras, pero hindi pa rin niya mapigilan. Maya-maya, lumabas siya ng kwarto. Tahimik ang bahay. Wala si Casimiro. Napatingin siya sa sala, sa kusina, pati sa labas ng bintana walang bakas ng lalaki. Hindi rin niya alam kung kailan ito umalis, at mas lalong hindi niya alam kung saan ito pumunta dahil hindi naman ito nagpaalam sa kanya. Bigla-bigla na lamang itong nawawala at hindi nagpapaalam.
Ano pa nga ba ang inaasahan niya sa lalaki? K
