AELE LEVI'S POV:
"Mas kilala ko siya, Levi. Hinding-hindi siya sa akin magsisinungaling. Kahit kailanman hindi niya ako niloloko dahil turing namin sa isa't isa ay magkapatid." pagtatanggol niya pa sa lalaking ito na kahit hindi halata sa kaniyang seryosong mukha, pero alam na alam ko na nagdidiwang na siya dahil alam niya na mangyayari talaga ang bagay na ito.
Hinding-hindi talaga ako papaniwalaan ni Alieha. Dahil sino ba naman ako?
"Magkapatid? Sa tingin mo ba kapatid din ang turing niya sa iyo? Marami akong testigo rito. Sasabihin nila sa iyo ang totoo, hindi ba? H-hindi ba?" Nilingon ko pa ang babae at ang ilan sa mga nakasama ko sa kulungan katulad ng nag-asikaso sa akin na matandang babae na ngayon ay hawak-hawak ang kaniyang apo na nakaupo sa puno sa aking kaliwang direksyon.
Na
