AELE LEVI'S POV:
Sinuyod ko ang buong paligid ng isla na ito pero kapag may napapansin ako na mga armadong lalaki, ay mabilis akong nagtatago sa puno para hindi nila ako makita.
Hindi ko rin mawari kung bakit parang mas lalong dumarami ang mga kalaban. Akala ko magiging madali na sa amin ang mga susunod na misyon pa. Kaso... Nalintikan na!
Siguro ay naalarma na sila sa amin kaya gumawa na naman ng aksyon ang nag-ha-harian dito at baka may kapanalig siya na nasa isang illegal na organisasyon. Hindi naman imposible ang gano'n na bagay, kung si Tita ay nagawa niyang makarating dito, paano pa kaya ang iba pang nilalang? Sana makatakas na talaga ako rito at mahanap ang mga nilalang sa labas ng isla na ito. B'wisit!
'Haist! Kung gano'n nga na dumarami na, kailangan ko nang magmadali sa pagd
