AELE LEVI'S POV:
"Hoy, Carl! Pwede bang pumarito ka muna?" Utos ko kay Carl na ngayon ay kalalabas pa lang galing sa isang kwarto.
May dala-dala siyang damit at pantalon na halatang luma na rin. Napansin ko rin na nakapalit na siya ng panibagong kasuotan.
"Sa akin ba iyan?" Sa panahon ngayon wala na dapat hiya-hiya pa.
Saka hindi naman ako mahiyain na tao. Simula bata pa lang ako at hanggang tumanda ay wala sa akin ang salitang hiya.
Napatango-tango naman siya at saka inilahad na sa akin ang dala niya," Sa iyo nga, Master. Mga hindi ko na 'yan nagamit dahil masyadong sikip na sa akin. Saka 'yung pang-ilalim, mga hindi ko rin nagamit dahil masikip din siya sa akin. Pagpasensyahan mo na lang kung hindi maganda sa paningin mo,"
"Sa panahon at lugar na ito dapat hindi tayo nagiging map
