MULING MAGING AKIN
Chapter 55:
ARYM ZCHRYNNE “MaiMai” –
.
.
.
“Teka lang, hon! Baka bigla na lang pumasok ang secretary mo. Nakakahiya na makita tayo sa ganitong posisyon.”
Pabulong kong sabi kay Jasper matapos niya bitawan ang labi ko. Napaka kulit naman kasi ng isa na ito!
Sinaglit ko siya dito sa opisina niya dahil kanina pa siya nangungulit. Napuwing daw ang mata niya, ipapaihip niya lang daw sa akin.
Ako naman si uto-uto, pumunta naman. Kunwari may inutos lang sa akin si Sven. Pagka pasok ko pa lang sa pinto bigla na lang ako hinila ng lalaking ito.
Ang posisyon namin ngayon, nakaupo si Jasper sa couch at nakakandong naman ako sa kanya. Ihipan ko daw ang kanang mata niya, nang iihipan ko na sinunggaban na lang bigla ang labi ko. Magaling! Naisahan ka na naman MaiMai!
“
