Sikat na ang araw ng magising ako. Mabilis ang aking kilos na bumangon at nag ligpit ng aking higaan. Inikot ko ang banig at inilagay sa gilid na bahagi ng kwarto. Kinuha ko na din ang kumot at ipinagpag pagkatapos ay tinupi ng maayos, pinagpag ko din ang unan at isinalansan ng maayos sa gilid at bumaba na. Diretso ako sa banyo para maligo. Nag kape lang ako at naghanda na para sa maaksyon na buong maghapon, maghapon na paghuhukay.
“Pre, ikaw na muna mamaya ay uuwi din ako ng maaga. Mamimili lang ako ng ilang damit para sa tatlo ko na anak at ipapadala sa lbc, pagkatapos ay uuwi na ako dito.”
Paalam ni Isagani na tinanguang ko lang. Nagsimula na akong iangat ang karpet at iangat ang pintuan patungo sa butas pababa. Dala ang malaking flashlight binuksan ko ang switch ng ilaw. Pagkatapo
