Nagising ako na parang ayaw ko pa bumangon dahil mabigat ang aking pakiramdam. Pero kailangan ko kumilos dahil hindi naman ako mayaman. Paglingon ko sa dingding ay nakita ko na alas kwatro pa lang pala ng umaga. Masyado pang maaga, anong oras na kami natulog ni Pau kagabi?, sa hula ko ay nasa alas dose na. Bumangon ako at nagpa-apoy na ng kahoy para makapag init na ng tubig na isasalin sa aking thermos. Naupo ako at hinintay itong kumulo at pagkatapos ay nag hugas ako ng bigas at isinalang ang kaldero sa apoy. Isinalin ko na ang laman ng takure at nag timpla na din ako ng kape. Inamoy ko ang ulam na hindi ko nakain kagabi at ayos pa naman, nag sandok na ako ng bahaw at sinimulan ko ng kumain ng almusal. Pagkatapos ay nag hugas na ako ng mga plato at isinabit ang kaldero na naglalaman ng si
