Kanina ko pa tinititigan ang mukha ni Sebastian, napakapayapa nito na tila ba hindi na iniisip na malapit na siyang mamatay. Gano'n kaya siya kasiguradong babalik at babalik din sa kanya si Vanessa? Baka naman may plano siyang tinatago sa akin?
Nakaupo siya ngayon sa kanyang swivel chair, nakadekwatro habang nagbabasa ng isang document na pinasa ko. Tungkol 'yon sa mga naiwang project ng kumpanya ni Liam Wang, boyfriend ni Vanessa. Pwede namin itong magamit para pabagsakin sila.
Una pa lang 'to. Halatang hindi pa nagseseryoso si Sebastian. Dahil kapag nagseryoso 'yan, maghahalo ang langis at tubig.
"Ma'am Ariel, bakit hindi ka maupo? Kinakabahan ka bang may mali sa ginawa mong report?"
Binalingan ko ng tingin si Cyntia at inilingan nang nakangiti.
"Kampante ko sa lahat ng ginagawa
