"Ma'am Ariel, hindi ka ba natatakot?"
Napalingon ako kay Cyntia na pasimpleng bumubulong ngayon. Tinaasan ko lang siya ng kilay bilang sagot.
"Kanina pa mukhang bad mood si President. Lahat sinusungitan niya."
"May bago ba?"
"Pero hindi naman siya ganyan kasungit minsan," nakalabi niyang sagot habang humaharap na sa sariling monitor.
Sinulyapan ko naman si Sebastian. Totoo naman talagang kanina pa siya bad mood. Hindi, mali. Kahapon pa siya bad mood. Siguro dahil kay Vanessa ulit 'yan.
Gaga kasi 'yon. Nakakagigil na kailangan pa talagang kay Sebastian siya pumunta para magpasamang uminom at umiyak. Ano sila bff?
Pero malungkot pa rin ako. Hindi na ulit nag-text si Dan. Alam ko namang gusto niya ko. Nagalit kaya siya sa akin? Baka akala niya gumagawa lang ako ng dahilan kahapon? O p
