"Pr-president, na-napag-utusan lang po ako," taas kamay na sabi ng babae at takot na inabot kay Sebastian ang hawak niyang camera.
Ngunit hindi kuntento doon si Sebastian. Hindi niya inalisan ng tingin ang babae. Mas tinignan niya pa ito nang malalim at hindi tinigilang usisain hanggang sa kusa ng naglabas pa ng cellphone ang babae.
"'Yan na po. Wala na talaga." Takot niyang inabot kay Sebastian ang cellphone niya.
"Ang lakas ng loob mong pumasok dito at kalabanin ako sa loob ng pagmamay-ari ko."
"Sorry po talaga. Napag-utusan lang po talaga ako." Lumuhod siya habang nagmamakaawang lalo dahil nakakatakot na si Sebastian.
Sobrang tagal kong iniisip kung saan siyang department dito. Pero salit na maisip ko 'yon ay iba ang bumalik sa isip ko. Namumukhaan ko na siya. Siya 'yon. Hindi ako
