"Nasaan na si Sebastian?" tanong ko, kagat-kagat ang kuko ko sa hinlalaki. Hindi ako mapakali. "Nasaan na ba siya?"
"Huminahon ka, Ate Ariel. Kami ang nahihilo sa'yo," ani Hanon, inaalalayan na ko ngayon paupo sa mahabang couch.
"Bakit ba kayo nandito?" masungit namang tanong ni Tati na kanina pa nakatingin nang matalim kay Leonardo.
"Wala akong alam," sagot ni Leonardo na kanina pa rin hindi kampante sa lugar. "Baby, bakit nga ba tayo nandito?"
"Akala ko kasi nandito si Sebastian."
"Dapat tinawagan mo na lang siya." Sumandal si Tati at inirapan si Leonardo.
"Magkaaway ba kayo?" tanong naman ni Hanon.
"Hindi niya kasi maintindihan ang sitwasyon," sagot ko. "Pero hindi 'yon ang dahilan kung bakit nandito ko. Gusto ko ring malaman niyo 'to."
"Okay, sabihin mo na sa amin. Mukhang hind
