NAGISING si Estella sa mahimbing na pagkakatulog. Hinayaan muna niya ang sarili na mahiga ng mga ilang minuto bago niya naisip na maupo at mag-inat ng katawan. Kinusot niya ang mga mata at awtomatikong dumako ang mata niya sa wall clock.
Pasado alasdose ng madaling araw na.
Ipinalibot niya ang paningin, hinahanap ng mga mata niya si Lucius. Nang wala siyang makitang Lucius sa loob ng silid nila, umalis siya sa kama at tumayo bago lumabas siya ng kwarto nila at hinanap niya ang binata sa buong condo.
Nang magtungo si Estella sa kusina, natagpuan niya si Lucius na nakaupo sa harapan ng island counter at may hawak itong bote ng alak. Nakatingin ito sa kawalan. Hindi siya nito napansin kaya nanatili siyang nakatayo habang pinagmamasdan ito.
Sunod-sunod ang malalim na pagbuntong-hininga
