TAHIMIK sa buong biyahe sina Simon James at Maureen. Hindi na sila nag-usap pa matapos ang kaniyang sinabi doon sa opisina, nanatiling walang komento ang dalaga at tila pareho na lang silang pinapakiramdaman ang isa't-isa.
Nakarating sila sa bahay na para bang walang nangyari. Sinalubong sila ng kaniyang mga anak at umakto lang si Maureen nang normal. Inasikaso nito ang mga bata, habang siya naman ay dumiretso sa kaniyang kwarto at nagbihis ng malinis na damit tyaka bumaba at sabay-sabay silang naghapunan.
Tila normal lang ang mga nangyari sa gabing 'yon, matapos ang paghahapunan ay pinatulog niya ang kaniyang bunso at si Maureen naman ang sumama sa kaniyang panganay.
Natutuwa siya dahil kahit papaano ay umayos na ang relasyon ni Jake at Maureen. At naririnig niya na nga itong tinatawag
