[MARINA POV]
Sa napagalaman niya na bukas na pala ang kaarawan ni Phoenix ay dali-dali siyang nagbihis at pumunta sa siyudad para maghanap ng ireregalo niya para rito.
Wala talaga sa isip niya na alamin ang kaunting bagay tungkol kay Phoenix at sa mga sinabi ng kanyang Nana, nagsisisi na siya dahil para siyang asawa na walang pakialam. Kahit man lang birthday nito, galing pa mismo sa Nana niya malalaman.
Ang tanging iniisip niya ngayon ay ang regaluhan ito. Kahit man lang sa ganitong paraan, maramdaman ni Phoenix na inaalala niya ito…bilang isang kaibigan.
Walang ibang lugar siyang alam para bumili ng regalo kundi sa mall. Bago pa man siya maghanap, inalam muna niya ilang pera ang nasa kanyang ATM. Mabuti na lang malaki-laki pa ang naipon niya. Hindi pa kasi niya alam anong ireregalo n
