Chapter 79
Shany
“Mabuti naman at nakapasyal ka rito sa Farm mo, Iho? Alam mo bang mas gusto mo rito tumira kaysa Holand?’’ sabi ni Tita Zonia nang dumating kami sa bahay.
“Ganun po ba? Parang ang gaan nga ng loob ko sa lugar na ito. Sariwa ang hangin at hindi masyadong malamig at mainit. Saka ang sarap pagmasdan ng mga puno,’’ tugon ni Lorenzo kay Tita Zonia, habang ako naman panay ang himas ko kay Bantay. Panay kasi ang tahol nito sa amin ni Lorenzo. Marahil nami-miss niya rin kami. Sayang nga lang at hindi niya na makikita si Piglets. Hanggang ngayon nalulungkot pa rin ako dahil sa ginawa nila kay Piglets.
“Tamang-tama at pitasan ngayon ng mangga. Ang ubas mo matagal pa siguro mamumunga. Ang mga kabayo mo dalawa na lang ang natira dahil ibininta mo iyon bago ka nawala. Marami kang
