Chapter 78
Shany
Kinabukasan naghahanda na kami ni Lorenzo para magtungo sa San Luis nang dumating si Kuya Raydin.
“Ano ang sadya mo, Bro?’’ tanong ni Lorenzo kay Kuya Raydin.
“Oh, ‘yong pato mo ibabalik ko. Sinasakal ng mga bata.” Pagkasabi ni Kuya Raydin, ibinigay niya ang mga pato sa kamay ni Lorenzo.
Nakunot ang noo ni Lorenzo nang ibigay sa kaniya ni Kuya Raydin ang pato saka tumingin ito sa akin.
“Kuya, hiningi ito ni Ate Zoey, eh!’’ maktol ko kay Kuya Raydin.
“Dagdag lang ligpitin ‘yan ng mga kasambahay. Dumudumi roon sa sofa, eh!’’ sagot ni Kuya Raydin sa akin. “May lakad ba kayo?’’ tanong pa ni Kuya Raydin, habang nasa labas pa rin ito ng ng pintuan.
“Pupunta kami sa San Luis. Baka sakali may mahagilap ako isa man sa mga alaala ko roon,’’ sagot ni Lorenzo. Inilapag niya a
