الفصل 9
1244 Words
" بسم الله الرحمن الرحيم "
" رحيق الحب "
" الفصل التاسع " . (عتاب)
العتاب احيانا يكن نصف المحبة
واحيانا اخري يكن المحبة كلها
فاذا ماعتبتك يوما فااعلم ان محبتك نقصت او محيت من قلبي .
انتي ازاي تحرجيني بالطريقة دي قصاد اختي وجوزها
نظرة لة شذي بهدوء واردفت انا مااحرجتكش انا طلعتك من طريق غلط كنت عاوز توقع نفسك وتوقع ابنك فية نطقت الاخيرة بسخرية لكي يعلم انها مازالت غاضبة من كلماتة السابقة عندما نعتها باانها ليست ولالدتة
نظر لها هو بغيظ واردف شذي بلاش اسلوبك دة معايا انا اعتزرتلك قبل مانمشي ولامليوون مرة وقولتلك اني مكنتش اقصد
نظرة له بحزن واردفت ولا مليون اسف يمحو الجرح الي سببتهولي ياعبدالرحمن
انت عارف ان الكلمة لما بتجرج مبتتداواش بااي اسف او اعزار بس بتفضل معلمة جوانا وبتسيب اثر فقلوبنا
اقبل عليها واخدها بين احضانة وقبل جبينها واردف بطفولة طب اعمل اية عشان تسمحيني
ابتسمت هي بمكر لانها تجيد ان تجلب الكرة ف ملعبها دائما لقد بدلت الادور وبدا من ان يغضب هو علي مافعلتة هي منذ قليل غضبت هي وعلية ان يراضيها ويطيب بخاطرها
نظرة له بحب واردفت عاوزني اسامحك وانسي الي قلتهولي
رد بايمائة من راسة ياريت ياشذي انتي عارفة اني مابستحملش اشوفك زعلانة مني وواخدة علي خاطرك
خلاص يبقي تصرف نظر عن موضوع جواز معاذ ودنيا وسيبة يختار هو الي تناسبة
ابعدها عنة ورد بغضب ومين بقا الي تناسبة دي ودنيا مالها ماتنسبوش لي فيها اية بنت عمتو عشان ترفضيها بالشكل دة ياشذي دانتي الي مربيها علي ايدك
ردت هي بهدوء ع** ثورتة انا كان مني عيني معاذ ودنيا يكونو لبعض وربنا يعلم اني بحب دنيا ازاي ومكنتش هتمني احسن منها لابني بس وسكتت ونظرة له
حسها هو علي ان تكمل فااردف بس اية ياشذي في اية مخبياة عليا
معاذ ودنيا مش بيحبو بعض
ازاي دة انا طول عمري بشوف حب معاذ فعنية لدنيا جبتي الكلام دا منين وبعدين حتي لو محبوش بعض دلوقتي اكيد هيحبو بع بعد الجواز هو انا ولا انتي كان في بنا قصة حب قبل الجواز
اردفت بسخرية احنا حالة خاصة ياعبدو بلاش ندخل دة في دة
صدقني ياعبدالرحمن معاذ ودنيا مش هيكونو سعداء مع بعض ولا هيحبو بعض
ولية مايحبوش بعض اية يمنع ياشذي
اعزرني ياعبدو انا مش هقدر اتكلم لان دنيا ماامناني بس انت هتعرف كل حاجة فوقتها.
*****_____*****_____*****_____******
دنيا دنيا انتي صاحية ياحببتي
ايوة ياماما اتفضلي انا صاحية
تقدمت حياة وجلست بجانبها علي الفراش واردفت بحنان ممكن اعرف بقا مين الاستاذ الي عاوز يتقدملك دة
نطقت دنيا بفرح لان ولادتها اخير ساتسمع منها دة ياماما دكتور عندي ف الجامعة
مطت حياة شفتياة واردفت دكتور يعني كبير عنك ف السن
نفت دنيا كلام ولدتها سريعا ونطقت لالا ياماما دة حوالي 28سنة كدة
امممم وانتي 20 سنة مش شايفة ان بينكم تمن سنين كتير
لايماما مش كتير ولاحاجة ماخالو وماما شذي بينهم 12سنة فرق سن واهم عايشين احسن من رميو وجوليت
مش كل الناس زي شذي وعبدالرحمن
دول مرو ب*روف خاصة هي الي زرعت الحب دة كلو بينهم فامش هتجيبي نفسك جنبهم
انا عارفة ياماما بس انا انا بصراحة مرتاحة له ونفسي اكمل عمري معاه والله ياماما هو انسان نبيل ومحترم وكويس جدا اديلو فرصة تعرفية وبعدها احكمي
خلاص يادنيا انا هقول لباباكي واخدلك معاد منو عشان عريس الغفلة ييجي يتقدم
قامت دنيا فرحة احتضنتها واردفت بسعادة ربنا يخليكي ليا يااحلي ام ف الدنيا .
★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★
****____****____****____****____****
لقيتك قاعد سرحان
قولت اعملك قهوة واجي ادردش معاك شوية
نظر لها بطرف عينة ثم عاد لوضعة دون ان يعطيها ادني اهتمام
وضعت الكوب البلاستيكي الذي يحوي علي القهوة امامة
ثم جلست بجانبة واردفت انت لية بتعاملني بالطريقة دي يامعاذ
نظر هو لها واردف بسخرية واية نوع الطريقة الي تحبي سيادتك اني اعاملك بيها
نطقت بهدوء تعاملني زي انا مابعاملك او علي الاقل متبقاش جاف وناشف كدة معايا
نظر لها بملل ثم امسك الكوب الموضع امامة وارتشف منه رشفة ثم تكلم
اممم حلوة القهوة شكرا
ابتسمت بسعادة فاههو قد بداء يلين ولو حتي بالقليل من الكلام
نطقت هي وهي مسلطة اعينها علية
بالف هنا
ممكن بقا تقولي مالك بقالك فترة بتيجي الشغل وتكون قاعد سرحان
دة لو مش يدايقك يعني
كان كلامها راق له واستحوز حواسة وبداء في مجارتها واخذت هي تتقرب منه حتي توطئت علاقتها سريعااا .
فكانت تذهب الي مكتبة كل يوم وتتكلم معة في امور عدة وتناغشة وتجادلة حتي راق له حديثها واصبحا عاديا مايفعلانة .
★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★
ماما ماما
ايوة يارحيق ياحببتي
انا نازلة ياحببتي عاوزة حاجة
لاياروحي خدي بالك من نفسك وطمنيني عليكي بعد ماتخلصي امتحان
حاضر ياحببتي وهمت بالخروج ولاكنها تراجعت وقالت اها صحيح انا مش هرجع علي الغدا النهاردة ياماما
لية يارحيق
هروح ازور بابا من اخر مرة كنت عندو مكلمنيش وبكلمة مش بيرد وانا قلقانة علية اووي
ماشي يارحيق المهم خلي بالك من نفسك كويس الدنيا مقلوبة يابنتي والفيروس مش سايب حد فحالة
ضحكت رحيق بشدة علي كلماتة ولدتها العفوية واردفت كل مايصينا الاماكتب الله لنا ياامي متقلقيش عليا انا وخدة حذري بردو ومعايا الكحول بتاعي والكمامة والجوانتي
يلاسلام ياست الكل
سلام ياضنيا ربنا يسترها عليكي يابنتي انتي واخوكي يارب .
★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★
يااااااة يابنات اخيرا خلصنا امتحان ثانوية عامة وزفت نطقت رحيق بها وهي في قمة سعاتها
ردت عائشة الحمدلله يارحيق عبال النتيجة بقا
نطقت فاطمة بحنق متفكرنيش بلانتيجة بلابتاع دانا مرعوبة بعد امتحان الفيزيا الي جهه فمستواي الطالب الدكتور
ضحكت خديجة علي تذمرها واردفت ده الي حط الامتحان دة شكلو يهودي ياجدعان
مش يراعي السنة الهباب الي احنا فيها وكرونا وقرف وبتاع
ردت رحيق ربنا يسترها يابنات وان شاء الله كل وحدة فينا تجيب المجموع الي يدخلها الكلية الي نفسها فيها
نطقن جميعا بصوت واحد يااااااارب
وفي ذالك الاثناء وصلت سيارة معاذ لكي يصتحبهم الي المنزل باامر من ولادة
ترجل منها ونظر اليهم واردف السلام عليكم
ها عملتو اية انهاردة
ردة عائشة بمرح الحمدلله يازيزو كلو تمام
همست رحيق بسخرية قال زيزو قال دة يتقلو عزرئيل مش زيزو خالص
نكذتها عائشة الى سمعت همسها واردفت لوسمعك مش هنخلص
ردت هي لا وعلي اية مش ناقصة تعكرت مزاج هي
ثم اردفت بصوت عال انا ماشية يابنات سلام
نطقن هن بصوت واحد تعالي نوصلك معنا يارحيق
رد هو بملل ماتسبوها تمشي هي تكية كل يوم هنوصلها
ردت هي بغيظ وانا مليش مزاج اركب مع واحد زيك
نظر لها بغضب واردف انتي تطولي يابت انتي
اها اطول واطول اطول من كدة كمان
همست خديجة لعائشة وفاطمة شكل خناقة كل يوم هتبداء
بقولك اية يابت انتي اتلمي بدل والله اعرفك شغلك
يامي يامي يامي خاف ياعيد صدق خوفت وهعيط من الرعب
لااااه دة انتي فعلا قليلة رباية
نطقت هي بغضب انا متربية احسن منك ومن عشرة زيك انت الي معداش عليك ربع ساعة تربية اصلا ثم تركتة وغادرة
نظر هو في اثرها بزهول وكز علي اسنانة واردف ان معلمتك الادب مبقاش انا معاذ ماشي
ثم نظر لاخوتة الواقفين يتابعو الموقف بصمت وزهول ونطق بغضب ماتركبو يلامستنيين اية
هرول الفتيات بالتجاااه السيارة خوف ان يصيبهم بطشة .
يتبع
★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★
#جعلني_ملتزمة_ج2
#رحيق_الحب
#بقلمي_اسراء_جمال
- Writer
