رحيق الحب

الفصل 13

" بسم الله الرحمن الرحيم "

" رحيق الحب "

" الفصل الثالث عشر '' (مشاعر)

" إن خسِرت شيئًا لم تتوقع يومًا أن تخسره، فإن الله سيرزقك شيئًا لم تتوقع يومًا أن تملكه ،،'!

،،،،،، لآ يكفي أن تَكون على قَيد الْحَيآة،

يَجب أن تَگون على قَيد الأمَل،

عَلى قَيد الحلمْ عَلى قَيد التَفآؤلْ.

على قَيد شَيِء جَميِل سَيحصُلْ لك.

لا شيء سينتظرك، لا وقت، لا أصدقاء ولا حتى الأشياء التي تحبّها،

قطارالحياة أسرع مما تتصوري،

ما لم تُحقّق ما تريده اليوم قد تندم عليه لاحقًا.

ﻻ يُـؤخّـر الله أمـراً إلا لِـخير و ﻻ يحرمگ أمـراً إلاّ لِـخير

وﻻ ينـزل عليـگ بـلاء إلاّ لِـخير فـلا تحزن فَـ الله ﻻ يـأتـي إلاّ بـالخير.

تفائلي خيرًا تجدٍ كل الخير. ،،،،،،

★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★

السلام عليكم

ازيك يارورو عاملة اية يا حياتي

-الحمدلله ياعائشة انتي عاملة اية وخديجة عاملة اية

_ الحمد الله احنا بخيررر بقووولك انا وخديجة وفاطمة هنخرج نشتري لبس للجامعة

قولت اقولك لو هتنزلي معانا

-بجد طب كويس انا كمان كنت عاوزة انزل وماما مرديتش انزل وحدي قالت لي لما محمود يرجع من السفر هقولها بقى اني هنزل معاكم وهي اكيد هتوافق

خلاص تمام يا قلبي هنستناكي الساعة 7كدة

-باذن الله ياشوشو سلااام

ماما ماااااااامااااا

اية في اية يارحيق بتعلي صوتك كدة لية الي يسمعك يقول اني فااخر الدنيا

-حقك عليا ياست ماما ايدك بقا علي فلوس

فلوس اية ان شاء الله ياختي

فلوس البس يا ما ما بتاع الجامعة

انتي يابت انتي مش قولتي ان ابوكي مد*كي فلوس البس دي وبعدين انا مش قولتلك مفيش نزول لوحدك لما اخوكي يرجع هتزلي معاه تشتري الي محتجاة

_ايووون حصل ادانى بس مش هيكفو ياست ماما وبعدين انا هروح مع خديجة وعائشة ولاد طنط شذي وفاطمة بنت طنط حياة اظنك عارفاهم و عارفة اخلاقهم كويس

خلاص تمام هتنزلو امتي ؟!

الساعة 7 ياست الكل

طيب يارحيق تعالي خدي الفلوس و روحي

بس متتاخريش برة الدنيا مبقاش فيها امان يابنتي وبنسمع كل يوم مصايب بتحصل للبنات ف الشوارع ربنا يحفظنا ويستر بناتنا

اللهم امين يلا بقا هاتي الفلوس ?

★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★

ياحمزة بقا وحياتي عندك تيجي توصلنا

-قولتلك مش فاضي يااعائشة وبطلي زن ومبحبش اصلا مشاوير البنات دي

ياحمزة وحياتي وحياتي

-روحي قولي لمعاذ يوصلكم ياستي هو خلقة واسع وبيستحمل دلعكم وتاخيركم انا مليش خلق ليكم روحي الله يرضي عنك وسبيني فحالي

-كدة طب ماشي يارخم يا يا يا ...

_ ها ها هتقولى يا ايه في وحدة محترمة تشتم اخوها

-اها في انا يامعفن بس ها وسابتة وخرجت

نظر هو فى اثرها بستنكار وقال انا معفن ماشي ياعائشة لما تجيلي

★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★

ياماااامي بقا تعالي معانا انتي حمزة الغتت مش راضي يودينا

قولتلك ياعائشة انا وبباكي ريحين نزور ناس اصحابنا مشوفناهمش من سنين ومش هينفع اروح معاكم

طب احنا هنعمل اية دلوقتي يرضيكي يعني نخرج لوحدنا

لا طبعا متخرجوش وحدكم روحي قولي لمعاذ

يامامي لا معاذ مش بيطيق رحيق وبيفضلو يتخانقو طول الطريق و احنا رايحين ننقي لبس مش فاضيين للخناق

طب مهو مفيش قدامك غير كدة يا اما متروحوش ومتصدعنيش بقا ياعائشة

خرجت عائشة بستسلام وتوجهت الي غرفت معاذ تركة الباب بهدوء

سمعتة اذن لها بالدخول فدخلت وتوجهة الية واردفت باادب

ابية معاذ ممكن تيجي معانا انا وخديجة توصلنا لاي مول نشتري منو لبس الجامعة

نظر هو لها وتسائل بهدوء امممم طب ومخدتوش حمزة ولا ماما معاكم لية هما التنين معاهم عربياتهم يعني

نطقت هي بضجر حمزة الغتت مرديش

وماما كمان قالت رايحة تزور وحدة صحبتها رجعت من السفر هي وبابا ومش هتروح معانا

و مفيش قدامنا غيرك

طب ياعائشة انا مش ليا مزاج اخرج ولا اروح ف اي مكان

نطقت بتزمر

يوووة هو كلو كدة محدش فاضيلنا، يعني نخرج احنا الاربع بنات لوحدنا يعني

نظر هو لها بهتمام واردف اربع بنات ازاي مش انتي وخديجة بس الي هتزلو

-لا مهي رحيق وفاطمة جايين معانا

طيب ياعائشة امري لله انا هود*كم بس عشان صعبتو عليا رغم اني تعبان جدا و عاوز انام يلا روحي اجهزي عبال انا كمان مجهز

نطقت هي بفرح وهي تسقف علي يدها انت احلي اخ ف الدنيااااا.

ابتسم على حديثها ونطق دانتى اللى احلى اخت ف الدنيا

★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★

********______*******_______********

وصلت رحيق حيث مسكن صديقتها وعندما اقتربت منهم ووجدتة يقف معهم قلبها نبض بشدة ارادت ان تخرجة من ص*رها وتسالة لماذا ينبض بهذا العنف كلما رائة لماذا ايتها القلب وانت لم تكن هكذا من قبل ولم تنبض بهذة العنف لاي احد هل انت تخشي وجودة بجانبك ام هناك شئا اخر

تقدمت منهم والقت عليهم السلام بهدوء

السلام عليكم ازيكم يابنات عاملين اية

ردو عليها جميعا السلام ببتسامة وصافحوها بحرارة

تقدم هو منهم واردف بمزاح وهو ينظر لها

طب وباالنسبة للهوي الي واقف دة ملوش ازيك او اي حاجة

نظرت له بتحدى وتحدثت بستفزاز وهي ترفع احدي حاجبيها

لا ملوش

تحدث هو يهددهم

-والله بقا كدة طب مش موصل حد انا

ثم تصنع انه يذهب الي داخل المنزل

هرولتة ناحيتة عائشة وامسكت احدي يدية وقالت بترجي

_ لا ياابية باالله عليك توصلنا حقك عليا انا

ردت هي بعناد لكي تخفي ماتشعر بة تجاهة امام نفسها

سبية ياعائشة احنا فينا رجلين هنروح لوحدنا مش محتاجين خدمات من حد

همست خديجة لفاطمة الواقفة تتابع مايحدث بصمت

هنبدء من اولها انا عارفة ان التنين دول مش هيسدو مع بعض

نطقت فاطمة بصوت عال لتنهى الشجار قبل ان يبداء

خلاص بقا يارحيق متكبريش الموضع كنتي سلمتي علية وخلصتينا

نظر هو لها واردف طب عند فيكي بقا انا الي هوصلكم يلا يا بنات

ركبو معه جميعا السيارة ثم انطلق بهم الي احدي المولات لكى يجلبو ما يحتاجونة

انزلهم وتحدث روحو جيبو الي عاوزينو وانا هستناكم ف الكافتيرا دي ولما تخلصو تعالولي علي هناك

ردت خديجة ماشي يامعاذ سلااام

ثم ذهبو هما ليجلبو اشيائهم وذهب هو الي الكافية الخاص بالمول

★ ★ ★ ★ ★ ★ ★ ★ ★ ★ ★ ★ ★ ★

******_______*******_______********

★ ★ ★ ★ ★ ★ ★ ★ ★ ★ ★ ★ ★ ★

بعد مدة استغرقت الكثيييير من الوقت

انهو الفتيات تجولهم داخل المول

وخرجو كي يصلو الي المكان الذي يجلس بة معاذ

الله يا بنات البس الي اشتريناة تحففففة جدا نطقت بها خديجة بفرحة

ايوة فعلا جميييل اووي ياديدة مبروكين عليكي يادكتور

نظرت هي لها واردفت ومبارك عليكي انتي كمان

ياهندسة كنتيش دخلتي علمي علوم زينا وجيتي معانا

ضحكت رحيق دة علي اساس كلكم ريحين طب ما كل وحدة ف كلية

انتي بشري وعائشة اسنان وفاطمة صيدلة يعني مش هتكونو فنفس الكلية بردو

حكت هي راسها واردفت تصدقي معاكي حق كانت غايبة عني فين دي

اطلقن الفتيات الضحك علي شكل خديجة وهي مندهشة

ثم تابعو سيرهم الي الكافية

واثناء دخولهم سمعن احد ينادي

رحييق

التفت الفتيات الي مص*ر الصوت

في حين ان رحيق نطقت بدهشة

ادهم . . . .

مد هو لة يده لكي يسلم عليها واردف ببتسامة عاملة اية

نظرت هي نحو يدة واردفت بحرج الحمدلله بس انا مش بسلم

اخفض هو يدة بااحرج واردف بنفس الابتسامة احم ولا يهمك انتي هنا لية

لمحهم هو وهما يقفون مع شاب غريب فاجاء مسرعا ليعرف من الذي تتحدث معه ونطق بغضب

مين الي واقفة معاه دة ؟!

نظرت هي له بحدة واردفت وانت دخلك اية لؤخذة

نظر هو لها بشر واردف يلا علي العربية يابنات

وسيبو الهانم تاخد راحتها مع الاستاذ

ثم تركهم منصدمين من ردة فعلو وتوجهه الي سيارتة

اية دة مين دة يارحيق

ها لا متشغلش بالك ياادهم بعد ازنك عشان اتاخرت ولازم امشي

طب اوصلك

لا انا جاية مع اصحابي وهمشي معاهم سلام

★ ★ ★ ★ ★ ★ ★ ★ ★ ★ ★ ★ ★ ★

*******______*******_______*******

★ ★ ★ ★ ★ ★ ★ ★ ★ ★ ★ ★ ★ ★

بعد مرور شهررررررررررررررر

ماما انا نازلة ياحببتي عاوزة حاجة

لا ياروح ماما خدي بالك من نفس وملكيش دعوة بحد ف الجامعة وخليكي فحالك وو

بس بس ياماما كفاية هو انا رايحة كيجي تو ناقص تقوليلي الي ياخد منك السندونشات اضربة

انا نازلة محمود بيضربلي كل** لو اتاخرت علية اكتر من كدة هيطلع يضربني دة مجنون ثم قبلت جبهة ولدتها ونزلت

وصلت حيث الجامعة

ودخلت ظلت تلف بها مايقارب الساعة ولا تعلم اين هي او ما المكان المحدد لها

استسلمت لامرها وتوجهت الى كافتيرا الجامعة لكي تستريح من كم المعاناه التي عانتها في المشئ

بعد عشر دقائق سمعت احد الاشخاص ينادي

الفرقة الاولي تتوجهة لمدرج .....

عشان تعرف محاضرتها

نظرت حولها فوجدت بنتين ذاهبين الي هذا المدرج فتوجهت اليهم وتسائلت انتو اولي جامعة زيي صح

نطقت الفتاه ايوة

طب انا معرفش المدرج دة فين ممكن اجي معاكم

-اها طبعا يلا بينا وذهبا جميعا الي هذا المدرج .

★ ★ ★ ★ ★ ★ ★ ★ ★ ★ ★ ★ ★ ★

*****_____*******______******____***

★ ★ ★ ★ ★ ★ ★ ★ ★ ★ ★ ★ ★ ★

ايييية يا ربي الحوسة الي انا فيها دي

انا كان اية دخلني علمي علوم ما كنت دخلت زي رحيق هندسة ورحنا سواي بدل منا قاعدة ف اسنان لوحدي زي قرد قطع كدة ومحتاسة ومش عارفة اعمل اية

يابختك يارحيق اكييييد مش محتاسة زي كدة

في اثناء تزمرها وجدت من يسحب الكرسي الذي بجانبها يجلس علية ويتحدث بستظراف

الجميل مالو قاعد لوحدة كدة لية

انتفضت هي من مكانها واخدت شنطتها وهمت ان ترحل

ولاكنة كان اسرع حين جذبها من احدي زراعيها وردف مالك بس قايمة لية

التفت هي له ونفضت زرعها منه واردفت بحزم لو ايدك دي اتمدت عليا تاني هقطعلهالك

ثم تركة وغادرت

نظر هو في اثرها واردف

شرش بس مش علياااا .

★ ★ ★ ★ ★ ★ ★ ★ ★ ★ ★ ★ ★ ★★ ★

*************__________*************

★ ★ ★ ★ ★ ★ ★ ★ ★ ★ ★ ★ ★ ★ ★ ★

كانت تجلس في احد المدرجات تنظر الية بصدمة عندما راتة يدخل من باب الغرفة

ظلت هكذا طول مدة وجودة داخل قاعة المحاضرات

هو ايضا رائها وشعر بصدمتها عندما راتة ولاكنة قرر تجاهلها

تحدث لهم بثقة وهو ينظر اليهم انا دكتور معاذ ان شاء الله هد*كم مادة التصميم المعماري

يلا يا شاب نبدا وياريت كلة يركز معايا

تحدث بعض المتواجدين بستياء مع بعضهم البعض من هذا الدكتور الذي اخذهم علي الحامي واراد ان يبداء دراسة في اول يوم لهم ف الجامعه

كان هو يسمع همسهم ولاكنة تجاهلة نهائيا وبداء ف الشرح

في ذالك الاثناء مالت عليها احدي الفتيات وتكلمت بهمس شكلة دكتور رخم وهيزهقنا من اولها

جائت ان ترد عليها ولاكن اوقفها صوته حينما قال

انتي ياانسة بتتكلمي مع الي جمبك ومش ملتزمة ب المحاضرة لية

نظرت الفتاه له وتحدثت بحرج انا اسفة يادكتور اخر مرة

اوما هو براسة وقال اتمني تكون اخر مرة بعد كدة الي مش هيلتزم بالمحاضرة انا هطردة منها

واعاد الي الشرح مرة اخري

تكلمت هي في نفسها دانا شكلي هشوف ايام كحلي .

انتهي اليوم الدراسي وخرجت تبحث عن اخيها لكي تذهب الي منزلها ولاكنها لم تجدة فقررت ان تقف تنتظرة حتي يااتي

خرج هو الاخر لكي يذهب الي بيتة

فوجدها واقفة يبدو انها تنتظر شخص ما

فذهب اليها وتحدث بصرامة واقفة لي كدة

نظرت هى له وردت ببرود ثم كادت ان تقول

وانت مااااا

ثم تذكرت ماهيتة كادت ان تغير ردها في ذالك الاثناء جاء اخيها من خلفة وتحدث بحدة

مين دا يارحيق وواقف معاكى لية

نظرت هي له بتوتر واردفت دا دا دا

اية انتي هتفضلى هتهتهي كتير

ثم نظر لمعاذ واردف تقدر تقولي مين حضرتك وواقف مع اختي لية كدة

رد هو بثقة دكتور معاذ دكتور هناف الجامعة وشوفتها واقفة لوحدها فاجيت اسالها لو في مشكلة او حاجة اقدر اساعدها بس ملحقتش حضرتك وصلت قبل مااعرض مساعتدتى

رد هو بمتنان شكرا يادكتور بعد ازنك واخذها ورحل

نظر هو في اثرها ثم ركب سيارتة وغادر هو الاخر

يتبع..........

اتمني تقول لي رايكم فالبارت عجبكم ولا لاء

وعاوزة ڤوت كتير وكومنتات كتيررر

★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★

& رحيق الحب &

& اسراء جمال &

#جعلني_ملتزمة_ج2

#رحيق_الحب

#بقلمي_اسراء_جمال