Agad akong nagbihis ng panlakad na damit, kailangan kong mag-unwind at sumagap ng sariwang hangin para makahinga ako, dahil pakiramdam ko sakal na sakal na ako. Lumabas ako ng kwarto at tinungo ang pintuan.
"Suzy, saan ka pupunta?" harang sa akin ni Mama, "Gabi na at hindi ka na dapat magpalaboy-laboy pa sa labas ng ganitong oras!"
"Ma, mag-iisip lang po ako, kailangan kong mapag-isa," tugon kong malalim na napabuntong-hininga.
"Aba! e di magkulong ka sa kwarto mo kung gusto mong mapag-isa, doon ay walang iistorbo sa'yo!" saad nitong matalim ang tingin sa akin.
"Ma.." mahina kong bulong na may diin. "Gusto kong mapag-isa kaya nga lalabas muna ako, at isa pa matanda na ho ako, hindi na ako bata para sitahin niyo sa mga ginagawa ko."
"Hayaan nalang muna natin si Suzy," singit ni Pa
