Elizabeth
"Wala ka bang lakad?" tanong niya ng naabutan si Gem sa kusina.
Kasalukuyan itong naglalagay ng fried rice sa bowl at napatingin siya sa lamesa. Nagluto na ito ng almusal nila na madalang nito gawin dahil kadalasan ay nauuna siyang magising. Kumuha na siya ng dalawang mug, nagtimpla siya ng kape para sa kanya at gatas naman para kay Gem.
"Tinatamad akong lumabas. Ikaw?" balik tanong nito pag-upo nito.
"May kanya-kanya silang lakad. Si Han at at Philip pupuntahan nila iyong nabili nilang lupa sa Bataan. Sina Maricon naman ay may lakad silang mag-anak. Tinawagan nga ako ni Mila kagabi tinatanong kung gusto ko sumama sa kanila pero sabi ko huwag na kasi family event iyong pupuntahan nila," sagot niya pagka-abot ng mug dito saka umupo.
"Manood na lang kaya tayo ng movie. Pw
