Elizabeth
Mula noong araw na nanggaling si Nickolas sa opisina niya ay halos araw-araw na siyang nakakatanggap ng bulaklak mula sa binata. Noong una ay pinabalik niya ang mga bulaklak pero mukhang desidido itong gawin na flower shop ang opisina nila dahil hindi pa rin ito tumitigil. Nagsawa na rin siya sa pagsaway at makiusap sa mga nagdadala ng bulaklak na itigil o kaya ay ibalik ang mga iyon sa nagpadala kaya hinayaan na lang niya.
"Wow! Mukhang may bago na tayong supplier ng mga bulaklak," natatawa na sabi ni Maricon pagpasok sa opisina niya.
"Wala ako sa mood, Sis," matamlay niyang sagot nang tiningnan niya ito saka binalik ulit ang attention sa laptop niya.
Nakita niyang nagulat ito sa sinabi niya, hindi siguro nito alam kung nagbibiro lang ba siya o talagang masama ang pakiramda
