Elizabeth
"Elizabeth Sandoval, anong eksena ito? Anong ginagawa ni Nick dito? Bakit magkasama kayo ni Nick?" hysterical na bungad ng kapatid niya pagpasok ng opisina niya.
Nagulat man sa siya sa pagdating nito pero hindi siya nagpahalata. Ilang oras na ang lumipas mula nang umalis ang binata pero heto pa rin siya tulala. Halos hindi pa nag-sink in sa kanya ang lahat ng nangyari kanina at hindi siya makapaniwala. Ang bilis ng mga pangyayari at naguguluhan siya sa nararamdaman niya.
"At huwag mo subukan na magtahi ng kwento dahil alam mong malalaman ko rin ang totoo," nakataas ang isang kilay na sabi nito bago umupo sa kaharap niyang bangko.
Mataman siya nitong tiningnan at inaantay ang sagot niya. Sa lahat ng tao ito ang mas nakakakilala sa kanya at alam na alam nito kapag nagsisinungal
