"Kumusta ka dito, bessy? Hindi ka ba inaapi ng step-brother mo?" pabulong na tanong nito na tumingin pa kung may ibang taong malapit sa amin.
"Hindi, mabait naman si Dexon, Rose," agad na sagot ko.
Nangunot ang noo ni Rosemarie sa akin at kinalabit ang tagiliran ko. "Magsabi ka nga sa akin ng totoo, bessy. May gusto ka na ba sa kanya at mukhang in love ka na sa anak ng asawa ng mama mo?"
Tipid na ngumiti ako kay Rosemarie. Hindi pa nga pala niya alam ang tungkol sa amin ni Dexon at sa tingin ko, hindi rin sinabi sa kanya ni Ninang Janina na kasal na kami dahil halatang wala pa siyang alam.
"Ano, pati ba naman ako paglilihiman mo. Naku, Aubrey, kilala kitang babae ka, mula ulo hanggang paa. Pati nga d'yan sa mga split ends sa buhok mo, tanda ko pa," nakasimangot na sabi ni Rosemarie na
