"Don't worry about that, sagot ko lahat, basta masaya ang asawa ko," malambing na sabi ni Dexon na ginagap ang kamay ko at pinagsalikop matapos dalhin sa kandungan niya.
"Ay, ayos pala. Oh, bessy, huwag ka nang kimi-kimerut d'yan, isama natin si Ninang Janina natin para mas masaya," bulalas ni Rosemarie na tuwang-tuwa sa narinig na sinabi ni Dexon.
"Pupunta tayo sa Victoria Secret na tindahan para hindi galing sa divisoria na class A lang ang pabangong gamit natin, tapos bukod sa mahal na, ilang oras lang, wala nang amoy at naglaho na."
Tinawanan ko si Rosemarie na inabot ang baso ng juice na nasa harap niya at uminom dahil mukhang na pagod at panay ang daldal. Ito ang gusto ko sa kaibigan ko dahil hindi siya nauubusan ng sasabihin at masarap kasama at kausap.
"Magbihis ka muna, Dexo
