Dumating si Cynthia dala ang pagkain ko na pinag-buksan ni Dexon ng pintuan. Siya na rin ang kumuha ng tray at nilapag sa center table sa harap ko.
Tahimik na kumain ako, hindi ko siya kinibo at lalong inalok man lang. Sa ngayon kakain muna ako at magpapalakas. Bukas ko na iisipin ang susunod na magiging hakbang ko kaya kahit mabigat ang pakiramdam ay pinilit kong ubusin ang pagkain sa harap ko.
Alam ko kasing kailangan ko ito lalo na at nakakaramdam ako ng panghihina. Kung bakit kasi ngayon pa ito nangyari kung kailan kalakasan ng menstruation ko.
"Kung talagang sincere ka sa paghingi mo ng sorry, gusto kong ipakita mo sa akin ang mga cctv footage dito sa loob ng silid ko simula ng tumira ako dito para makita ko kung ano ang mga pinaggagawa mo habang tulog ako," matigas na sabi ko mat
