Sa tingin ko ay close sila ng pamilya ni Declan kaya hindi na ako nagtataka na narito siya lalo na at mukhang totoong kapatid nga siya ni Dexon.
"Ang bolera mo pa rin hanggang ngayon Diane," nakangiting sabi ng mommy ni Kuya Declan.
Lihim na pinagmamasdan ko silang lahat. Para silang masayang pamilya na muling nagkita-kita pero hindi si Dexon na nanatiling pormal ang ekspresyon ng mukha kaharap sila.
Nagkunwari akong normal ang lahat at bumalik sa upuan ko. Nakita kong sumulyap si Dexon sa akin pero kunwari ay hindi ko nakita ng yumuko ako at naupo na sa tabi ni Ate Amara.
"Kumusta ka na, Aubrey?" tanong ni Ate Amara na bumaling sa akin.
"Okay na naman po, ate," tipid na sagot ko.
Matapos ang ilang palitan ng sagot, inabot ko ang baso ng tubig at mabilis na nilagok. Nanginginig na
