Lalapit lang pala siya sa akin para magtanong at gawing intriga. Hindi ko na siya pinansin at sumandal ang ulo ko sa barandilya ng hagdan.
Ang boring kasi at kulang na lang ay hatakin ko ang oras para matapos na ang kasal pero sabi ni Alexander sa tabi ko ay matagal pa raw dahil dito na rin ginanap ang reception.
"Papasok na ako sa loob," sabi ko na akmang tatayo.
"Nope, stay with me for a while," sabi ni Kuya Alexander na nagulat ako sa biglang kilos niya lalo na nang hawakan nito ang kamay ko habang nakatingin sa cellphone nito na tila may pinapanood siya kaya pumiksi ako.
"Wait," sabi pa nito na naka-ngising itinaas ang kamay ko na akmang hahalikan nito kaya nanlaki ang mga mata ko.
Hahatakin ko sana ang braso ko ng biglang may umigkas na kamao at tinamaan sa mukha si Kuya Alexan
