"Beshy! Ang ganda mo na ngayon, kapatid!" malakas na tili ng kaibigan ko matapos akong makita.
"Surprised!" masaya at malakas rin na sabi ko at mahigpit na niyakap siya kaya nabitawan ko ang kamay ni Dexon.
"May poging kasama ka pala," nakangiting sabi ni Rosemarie na kay Dexon na nakatingin ang kumikislap na mga mata.
"Ah yes! Meet my Kuya Dexon, anak siya ng asawa ni mama," pilit ang ngiti na pakilala ko dahil mabigat pa rin sa dibdib sa tuwing iisipin ko ang nangyari sa aking ina.
"Hi, nice to meet you," tipid na sagot ni Dexon na inakbayan ako at kinabig palapit sa kanya matapos ko silang ipakilala ni Rosemarie sa isa't isa.
"Grabe, beshy, ang g'wapo pala ng kapatid mo," pabulong na sabi ni Rosemarie na mukhang nakalimutan na ang boyfriend niya at ang lalaking matagal na kinababa
