"Hindi ko alam kung bakit sumusunod ako sa bawat utos mo gayong wala ka pa namang sapat na ebidensya na ako talaga ang asawa mo!" Pagmamaktol ni Samantha habang inaayos ang mga gamit sa maleta.
Nasa isang tabi lang ako nakatingin dito, nakangiti.
"I have all the evidences baby..." Sagot ko rito sa masuyong boses. Inirapan lang ako nito.
"Ako na ang mag-aayos sa gamit ng mga bata." Sabi ko, para na rin makalabas na ako sa kwarto nito. Umaandar na naman ang kapilyuhan ko baka sa kama na naman ang bagsak namin nito.
"Okay." Sang-ayon nito.
Hapon na ng matapos kaming mag-ayos ng mga gamit nila, ang iba ay babalikan na lang. Tinawagan ko na rin ang driver ko na sa bahay na ihatid ang mga bata kasama si Agnes, pagkatapos ay sunduin kami rito.
"Sayang naman ang apartment na ito... Mura lan
