Buong biyahe ay walang ginawa si Athena kundi ang mangantyaw sa akin dahil sa ginawang pag-uutos ni Justin sa tauhan nito na ikuha ako ng manggang hilaw. Kung anu-ano ang sinasabi niya sa akin kaya hindi tuloy ako makapag concentrate sa biyahe dahil naiisip ko na kung i-aapproach ko siya ngayong gabi ay paano ko naman gagawin.
At paano kung hindi niya ako pansinin at sungitan ako katulad sa ginagawa niya sa tuwing nag tatangka akong lumapit sa kanya?
“Alright!” narinig kong bulalas ni Athena kaya natigil ang pag-iisip ko at napunta sa kanya ang buong pansin.
“Bakit? May good news?” usisa ko. Ngumiti siya at saka tumango sa akin.
“Nasa venue na ang classmate ko! ‘Wag kang mag-alala, Yumi. Mabait ‘yon! Sobrang bait! Actually, mapapangasawa na sana siya ng bunsong kapatid nila Justin. Hin
