Simula noong tanungin sa akin ni Daddy kung kailan ako babalik sa Lao Fashion and Cosmetics ay mas napadalas ang pag-iisip ko tungkol doon.
Kahit isa sa mga ka-team ko ay walang pumipilit at nag-oopen ng tungkol sa pagbabalik ko pero hindi na mawala sa isip ko ang tungkol sa editorial team. Hinahanap-hanap pa rin ng katawan ko ang mga dati kong ginagawa kaya gulong-gulo tuloy ako at hindi makapag isip ng maayos.
Nahihiya akong magsabi kay Architect Dela Torre na kung pwede ko nang bitawan ang posisyon ko sa foundation ng LEF. Kahit na wala namang kontrata kung gaano ako katagal na dapat mamalagi sa foundation ay nahihiya pa rin akong basta na lang magsabi na aalis na ako dahil gusto ko nang bumalik sa dati kong trabaho.
“Yumi!”
Natigil ang pag-iisip ko nang pagbaba ko sa hagdan ay naki
