“Mahal kita, Mayumi. Mas matagal pa kesa sa inaakala mo…”
Kahit binulong lang ni Justin sa akin iyon ay malinaw na malinaw kong narinig. Malakas na malakas din ang kabog ng dibdib ko lalo na nang ilayo niya ng bahagya ang katawan niya para magkaharap kami ng may sapat na distansya para makapag-usap.
“I'm sorry I didn't react right away after you said you're in love with me,” paliwanag niya. Ang kaba na nararamdaman ko kanina ay unti-unting napalitan ng pag-iinit ng mga pisngi.
Halos hindi ako nakatulog kagabi sa sobrang kahihiyan na nararamdaman dahil sa ginawa kong pagtatapat sa kanya. Iyon naman pala ay mahal niya rin ako!
Hindi ko tuloy napigilan ang sarili na irapan siya. “Tsk! Balak ko ngang ‘wag nang magpakita sa'yo pagkatapos ng mga nasabi ko kagabi,” sambit ko at saka ngumuso n
